Waazukaa 6:7 - Songhai de Gao Bible

⁷ Taabiyanoo kul kaŋ adamize gʼa tee a sʼa tee kala nga gundoo se, amma nga boonoo si hun.

Waazukaa 6:7 ပူးပေါင်းရင်းမြစ်များ

Yaasawey 16:26

Heray ga goykaw gaabi a ma goy, ŋaayan boonay gʼa tusa.

Waazukaa 1:8

Šenney kul ga šendi, boro kul si hin kʼi kul har, moo si kungu nda gunayan, haŋa si fara nda maayan.

Waazukaa 5:10

Nda alman boobo, nga ŋaakey ga boobo, macin ti albahaa kaŋ koyoo ga duu a a ra nda manʼti ka dii a nda nga moɲey?

Waazukaa 5:9

Boro kaŋ ga baa nooru si kungu a ra, boro kaŋ ga baa alman, woo kaŋ a ga duu a si wasa a se. Woo mo sii nda addalil.

Waazukaa 6:3

Nda boro na izʼaru zangu (100) hay, de mo a duu aloomur boobo, haya kul kaŋ ti nga aloomuroo, a mana kungu gomni ra, de mo nda a buu, a si duu ba suturayan henna, ay ga nee kaŋ zanka kaŋ mana hayandi nda hundi bagʼa.

Waazukaa 6:8

Macin ti nafaa kaŋ lakkalkoyni ga duu a ka bisa lakkal jaŋante? Talka ma nga dira takaa bay baahunantey jine, macin no a gʼa hanse a se?

Matiyu 6:25

«Woo se ay ga war bayrandi kaŋ war masi huzun war hunaroo se nda woo kaŋ war gʼa ŋaa, [wala woo kaŋ war gʼa haŋ], wala war gaahamoo se, woo kaŋ nda war ga daabu. Hundi mana bisa ŋaayan, gaaham mana bisa bankaaray wala?

Luka 12:19

Woo banda ga, ay ga nee ay boŋ se: ‹Ay baakaa, arzaka boobo fanjandi ma ne jiiri booboyaŋ se: ni boŋ hunanzam, ŋaa, ma haŋ, ma yafarhã.›

Yehiya 6:27

War masi goy ŋaahayaa kaŋ ga mursu se, amma wa goy ŋaahayaa se kaŋ ga cindi hala hunayan abadantaa ra. Ŋaahayaa, Boro-izʼaroo gʼa noo war se, zama nga no Baabaa Irkoy nʼa tabatandi.»