Waazukaa 6:6 - Songhai de Gao Bible

⁶ Ba nda a huna cee hinka jiiri zenber foo (1.000) bila nda a ma dii gomni, haya kul si koy nongu follokaa ra wala?

Waazukaa 6:6 ပူးပေါင်းရင်းမြစ်များ

Šintinoo 5:5

Adama duu jiiri zangu yagga nda waranza (930) aloomur jina, a faati.

Ayuba 1:21

a nee: «Gaa koonu nda ay fatta ay ɲaa gundoo ra, ay gaa koonoo nda ay ga koy. Abadantaa ka noo, Abadantaa ka taa, albarka ma bara Abadantaa maaɲoo ga!»

Ayuba 30:23

Ay ga bay, ni mma mʼay ka koy buuyan ga kaŋ ti nongoo kaŋ ra hundikoyney kul ga koy.

Ayuba 7:7

Hongu kaŋ ay hunaroo manʼti kala hunsar, ay moɲey si dii gomni koyne.

Zaburey 34:12

Wa kaa, ay izey, wa haŋajer ya ne! Ay ga war dendenandi Abadantaa hunburaa.

Waazukaa 12:7

Labuhamnoo ga yee laboo ra kaŋ ra a hun, hundi ma yee Irkoy do kaŋ nʼa noo.

Waazukaa 2:14

Lakkalkoyni goo nda moo ka dii, amma boro lakkal jaŋante mma dira kubay ra. Amma ay na haya foo laasaabu kaŋ ti koddor follokaa bara ihinkaa kul se.

Waazukaa 3:20

I kul si koy kala nongu follokaa ra, i kul si hun kala laboo ra, i kul si yee kala laboo ra.

Waazukaa 6:3

Nda boro na izʼaru zangu (100) hay, de mo a duu aloomur boobo, haya kul kaŋ ti nga aloomuroo, a mana kungu gomni ra, de mo nda a buu, a si duu ba suturayan henna, ay ga nee kaŋ zanka kaŋ mana hayandi nda hundi bagʼa.

Waazukaa 6:5

A mana dii waynaa, a sʼa bay, a goo nda hunanzamay ka bisa affaa.

Waazukaa 7:2

Boro ma koy beray hugu ra baa ma koy hugu kaŋ ra ŋaayan hoyandi goo, zama woo din ti adamize kul kokoroo, baahunante ga hima ka miile a ga.

Waazukaa 9:2

Haya kul ga tee boro kul ga, koddoroo kaŋ ga duu boro šerrantaa, nga no ma duu boro futaa, nda boro hennaa, nda boro henanantaa, nda boraa kaŋ si henan, nda boraa kaŋ ga sargari kaa, nda woo kaŋ si sargari kaa, ihennaa nda zunubantaa, boraa kaŋ ga žee, nda woo kaŋ ga hunbur žeeyan.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.