Waazukaa 6:3 - Songhai de Gao Bible

³ Nda boro na izʼaru zangu (100) hay, de mo a duu aloomur boobo, haya kul kaŋ ti nga aloomuroo, a mana kungu gomni ra, de mo nda a buu, a si duu ba suturayan henna, ay ga nee kaŋ zanka kaŋ mana hayandi nda hundi bagʼa.

Waazukaa 6:3 ပူးပေါင်းရင်းမြစ်များ

Šintinoo 33:5

Kaŋ Eso na nga boŋoo jer, a dii woyey nda zankey, a nee: «Mayyaŋ ti wey ni bande?» Yakuba zaabi ka nee: «Zankey no kaŋ Irkoy nʼi doonandi ni tamoo se.»

Šintinoo 47:9

Yakuba na Firawuuna zaabi ka nee: «Ay yawtaraa jiirey manʼti kala zangu nda waranza (130). Ay hunaroo jiirey ga kacca i ga laala, i mana too jiirey kaŋ ay kaagey duu ey ngi yawtaraa ra.»

Kokoyey 2to 10:1

Akab goo nda izʼaru boro woyye (70) kaŋ goo Samari koyraa ra. Žehu na batagayaŋ hantum kaŋ a nʼi sanba Samari, i ma koy i noo Žizireyel koyraa boŋkoyney se, nda boro beerey, nda borey kaŋ ga huga nda Akab izey biiriyanoo. A nka nee batagawey ra:

Kokoyey 2to 9:35

I koy nee kaŋ ngi mmʼa sutura, amma i mana haya kul gar a ra kala boŋkurunboo, nda cewey, nda kabetaamey.

Taarikey 1na 28:5

Abadantaa nʼay noo mo ize boobo, amma ay izʼarey kul ra, a nʼay izoo Sulaymaana suuba kʼa gorandi Abadantaa kokoytaraa ra Izirayel boŋ.

Taarikey 2to 11:21

Roboham baa Absalom ize woyoo Maaka ka bisa nga wandey kul nda nga wahayey, ka gar a na wande woy cindi yaaha (18) nda wahay woydu (60) zaa. A duu izʼaru waranka cindi yaaha (28) nda ize woy woydu (60).

Ester 5:11

Haman filla i se haya kaŋ ti alman beeroo kaŋ goo nga se, nda izʼarey hinnaa, nda takaa kul kaŋ nda kokoyoo na nga jer boŋkoyney nda kokoyoo borey kul jine.

Ester 7:10

I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Ayuba 3:11

Macin se ya na buu ay ɲaa gundoo ra? Macin se ay hundoo mana hun waatoo kaŋ ay ga fatta gundoo ra?

Ayuba 3:16

Wala ya tee boro kaŋ si bara sanda zanka kaŋ mana hayandi nda hundi kaŋ goo laboo cire, sanda zanka kaŋ mana bay ka dii gaayoo.

Zaburey 58:8

Yala i ma dere sanda hari kaŋ mun! Yala ngi biraw-izey masi duu gaabi!

Yaasawey 17:6

Aru žeeney kokoy fuulaa manʼti kala haamawey, izeyaŋ taalamoo ti baabey.

Waazukaa 4:3

Amma boro kaŋ mana hayandi jina duu gomni ka bisa ihinkaa kul, zama a mana dii goy futaa kaŋ ga teendi waynaa cire.

Waazukaa 6:4

Zama zankaa nka kaa yaada, a ga koy kubawey ra, kubawey ga maaɲoo daabu.

Matiyu 26:24

Šikka sii, Boro-izʼaroo ga koy nda takaa kaŋ nda a hantumandi a ga Citaaboo ra. Amma boraa bone kaŋ ga Boro-izʼaroo nondi. A baa boraa din se a masi ba huru aduɲɲa ra.»