Waazukaa 5:13 - Songhai de Gao Bible

¹³ Goy yaamu no kaŋ ga almanoo din derandi. Haya kul si cindi izʼaroo kaŋ a nʼa daŋ aduɲɲa ra kaboo ra.

Waazukaa 5:13 ပူးပေါင်းရင်းမြစ်များ

Šintinoo 14:16

A yee kate nda almanoo kul, a yee kate nda nga boraa Lotu nda nga almanoo, nda woyey nda jamaa kaŋ i bay kʼi boy ka koy.

Šintinoo 19:14

Lotu fatta ka koy arey kaŋ na nga ize woyey cewey dii kaŋ ti nga nzurawey do ka nee i se: «Wa tun ka hun ne, zama Abadantaa ga koyraa halaci!» Amma nga nzurawey do a mma hooray.

Šintinoo 19:26

Lotu wandoo ɲeli nga dumaa ga, kul a bere ka tee ciiri boro assuura.

Ayuba 20:20

A mana wasa nga haya bajoo ra, nga almaney si hallasi.

Yaasawey 1:19

Woo ti haya kaŋ ga tee boro ga kaŋ ga baa zanba alman, zanba alman ga nga koyoo hundoo kaa.

Yaasawey 1:32

Zama boŋbii, nga tureyanoo no mʼa wii, lakkal jaŋante alhuzun jaŋaa no mʼa halaci.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 23:4

Masi ni boŋ farandi ka ceeci ka tee almankoyni, fay nda ka ni lakkaloo daŋ a se.

Yaasawey 27:24

zama alman si cindi hala abada, kokoy fuula si cindi boŋ ra zaman ka kaa zaman.

Waazukaa 4:8

kaŋ ti boro kaŋ nga foo no, a sii nda boro, a sii nda arma wala izʼaru, amma woo kul, a si fay nda ka goy. A si wasa alman ra, ba nda a ga nga boŋ hãa ka nee: «May sabbu se ay ga goy kʼay boŋ farandi takaa woo?» Woo mo sii nda addalil, goy yaamu no.

Waazukaa 5:14

Takaa kaŋ nda a fatta ɲaŋoo gundoo ra gaa koonu, takaa din da nga nda a ga hun aduɲɲa ra. Nafaa kaŋ a duu a nga goyoo ra, kaboo si koy nda a ra haya kul nga bande.

Waazukaa 8:9

Ay dii woo kul ka miile goyey kul ga kaŋ ga tee waynaa cire. Waati ga tee kaŋ adamize ga nga hinoo zurandi adamizey ga kʼi bonandi.

Luka 16:19

«Aru foo kaŋ goo nda alman, darbay šukka ciray nda šukka baana hay šendayaŋ no a gʼi daŋ. Zaari kul ɲaaliyan ra a ga huna, a ga maakaani.

Luka 19:8

Zaše ga kay, a nee ir Koyoo se: «Nga ne, ay Koyoo, ay ga agʼalmanoo jere faa noo misikiiney se. Boro kaŋ ay nʼa zanba ka nga hayaa taa, ay ga nga cine taaci yeeti a se.»