Waazukaa 5:10 - Songhai de Gao Bible

¹⁰ Nda alman boobo, nga ŋaakey ga boobo, macin ti albahaa kaŋ koyoo ga duu a a ra nda manʼti ka dii a nda nga moɲey?

Waazukaa 5:10 ပူးပေါင်းရင်းမြစ်များ

Zaburey 52:1

Donkey boŋkoynoo ka woo don. Woo ti Dawda bayti dooni foo.

Zaburey 52:7

Woo se Irkoy ga ni halaci hala abada, a ga ni kaŋandi ka ni kaa ni hugoo ra, a ga ni dogu ka ni kaa hundikoyney laboo ga. Kay-kayna

Zaburey 62:10

Adamize manʼti kala hew, boro manʼti kala yaada. Ba nda i nʼi daŋ neešihaya ga, i kul cere ra, i ga don nda hew, i ga koy beene.

Waazukaa 1:17

Ay kayandi hala ya lakkal bay, hala ya saamataray nda hollokomtaray bay, ay dii kaŋ nga mo manʼti kala sanda hew gaarandiyan.

Waazukaa 1:8

Šenney kul ga šendi, boro kul si hin kʼi kul har, moo si kungu nda gunayan, haŋa si fara nda maayan.

Waazukaa 2:10

Haya kul kaŋ ay moɲoo bagʼa, ya nʼa wanji a se, ya na kaani kul wanji ay binoo se, zama ay binoo ɲaali ay goyoo kul ra, woo ti fara bagaa kaŋ ay duu a ay goyoo kul ra.

Waazukaa 2:11

Woo banda ga, ay kuubi ka bere hayey kul kaŋ ay kabey nʼi tee here, nda taabiyanoo kaŋ ay duu a ngi teeyanoo ra, ay gar kaŋ woo kul sii nda addalil sanda hew gaarandiyan, nafa kul sii i ra waynaa cire.

Waazukaa 2:26

Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Waazukaa 3:19

Zama adamizey koddoroo nda adabbawey koddoroo kul ti affoo, adamize ga buu, adabba ga buu, hundi follokaa bara i ra, adamize ma bisa adabba sii nda nafaw: woo kul sii nda addalil.

Waazukaa 4:16

Jamaa woo kaŋ jine a goo hinnaa si bayrandi, woo kul wey kaŋ ga kaa dumaa ga si duu a ra ɲaali. Zama woo kul sii nda addalil sanda hew gaarandiyan.

Waazukaa 4:4

Ay dii mo kaŋ boro ga nga boŋ farandi ka goy, ka goy ka boori, ka gar nga cinaa ga a ga canse. Woo mo sii nda addalil sanda hew gaarandiyan.

Waazukaa 4:8

kaŋ ti boro kaŋ nga foo no, a sii nda boro, a sii nda arma wala izʼaru, amma woo kul, a si fay nda ka goy. A si wasa alman ra, ba nda a ga nga boŋ hãa ka nee: «May sabbu se ay ga goy kʼay boŋ farandi takaa woo?» Woo mo sii nda addalil, goy yaamu no.

Waazukaa 5:9

Boro kaŋ ga baa nooru si kungu a ra, boro kaŋ ga baa alman, woo kaŋ a ga duu a si wasa a se. Woo mo sii nda addalil.

Waazukaa 6:7

Taabiyanoo kul kaŋ adamize gʼa tee a sʼa tee kala nga gundoo se, amma nga boonoo si hun.

Matiyu 6:19

«War masi alman marga aduɲɲa kaŋ ra dusu nda guuruboosu gʼa halaci, de mo kaŋ ra zayey ga kayra kʼa zay.

Matiyu 6:24

«Boro sii no kaŋ ga hin ka goy gaakoy hinka se. A mma konna affaa ka baa affaa wala a ma denji affaa ga ka donda affaa. War si hin ka tee tam Irkoy se, war ma tee tam nooru se.»

Luka 12:15

Woo banda ga, a nee i se: «Wa hanse ka lakkal daŋ ka war boŋ hawgay haya ceeci nda albahiiritaray dumi kul ga, zama adamize hunaroo alman sʼa hallasi, taka kul kaŋ nda a goo nda a.»

Timote bataga 1na 6:10

zama nooru bajoo, nga ti haya laala dumi kul linjoo. Boro fooyaŋ kaŋ na ngi boŋ noo a se, i mooru naanaa, i na ngi hundey too nda marayyaŋ boobo.