Waazukaa 4:8 - Songhai de Gao Bible

⁸ kaŋ ti boro kaŋ nga foo no, a sii nda boro, a sii nda arma wala izʼaru, amma woo kul, a si fay nda ka goy. A si wasa alman ra, ba nda a ga nga boŋ hãa ka nee: «May sabbu se ay ga goy kʼay boŋ farandi takaa woo?» Woo mo sii nda addalil, goy yaamu no.

Waazukaa 4:8 ပူးပေါင်းရင်းမြစ်များ

Šintinoo 2:18

Irkoy Abadantaa nee nga boŋ se: «A si boori aru ma cindi nga foo. Ay ga faabakaw tee a se, nga cine hangasine.»

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 39:7

Cimi no, adamize ga yaara sanda bii, a ga zuru-zuru, amma harandaŋ no. A ga marga, amma a si bay boro kaŋ no ma duu a.

Yaasawey 27:20

Alaahara nda alaaharaa guusoo si kungu, takaa din da adamize moɲey si kungu.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:8

Šenney kul ga šendi, boro kul si hin kʼi kul har, moo si kungu nda gunayan, haŋa si fara nda maayan.

Waazukaa 2:21

Boro goo no kaŋ goy nda lakkal, nda bayray, nda gaabandiyan, amma boro tana kaŋ mana goy no ma duu nga fara bagaa. Woo mo sii nda addalil, ifutu beeri no.

Waazukaa 2:23

Nga zaarey kul manʼti kala farayan, a si duu nafa kul nga goyoo ra nda manʼti dooray. Ba cijin here binoo si kani. Woo mo sii nda addalil.

Waazukaa 4:7

Ay yee koyne ka dii haya yaada waynaa cire

Waazukaa 5:10

Nda alman boobo, nga ŋaakey ga boobo, macin ti albahaa kaŋ koyoo ga duu a a ra nda manʼti ka dii a nda nga moɲey?

Waazukaa 5:9

Boro kaŋ ga baa nooru si kungu a ra, boro kaŋ ga baa alman, woo kaŋ a ga duu a si wasa a se. Woo mo sii nda addalil.

Matiyu 11:28

Wa kaa ay do, war kul kaŋ goo ma fara, de jeeje goo war ga, agay, ay ga war noo hunanzamay.

Luka 12:20

Amma Irkoy nee a se: ‹Saama, hõ cijinoo hunday ni hundoo ga taandi. Hayey kaŋ nʼnʼi soolu, may no ma duu ey?›

Yehiya bataga 1na 2:16

Zama hayey kul kaŋ goo aduɲɲa ra, maanaa gaaham boonay futaa, nda moo boonay futaa, nda aduɲɲa bolsaa, si hun Baabaa Irkoy do, amma aduɲɲa ra i ga hun.