Waazukaa 3:14 - Songhai de Gao Bible

¹⁴ Ay yadda kaŋ haya kul kaŋ Irkoy nʼa tee ga cindi abada. Boro si haya tonton a ga, boro si haya kaa a ra. Irkoy nka woo tee hala borey ma hunbur nga.

Waazukaa 3:14 ပူးပေါင်းရင်းမြစ်များ

Samiyel 2to 22:31

Irkoy fondaa tee ka timme, Abadantaa šennoo si tun, koray no borey kul se kaŋ ga ngi boŋ talfi a ga.

Zaburey 33:11

Dabarey kaŋ Abadantaa nʼi kayandi ga cindi hala abada, nga binoo miilewey ga cindi zaman ka kaa zaman.

Zaburey 64:9

Ngi deeney kʼi kaŋandi, boro kul kaŋ dii ey ga nga boŋoo zinji-zinji.

Zaburey 76:10

waatoo kaŋ Irkoy tun ka ciiti, nda ka laboo kul borey kaŋ ga taabi faaba. Kay-kayna

Yaasawey 19:21

Adamize binoo ga haya boobo miile, amma woo kaŋ Abadantaa nʼa kayandi no ma tee.

Yaasawey 21:30

Lakkal sii no, fahamay sii no, hoyray sii no kaŋ ga hin ka kay Abadantaa jine.

Yaasawey 30:6

Masi haya kul tonton nga šenney ga, a masi koy citi ni ga, ma tee taariharkaw.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Waazukaa 5:6

Zama nda handiri boobo kokoroo ti yaada, takaa din da no nda šenney boobo. Adiši hunbur Irkoy.

Waazukaa 5:7

Nda ni dii ganda kaŋ ra i ga talka šiita, i si yadda cimi nda šerretaray ga, hayaa masi ni boŋoo haw, zama jineboro foo kul, jineboro foo goo a boŋ, amma boro goo no kaŋ goo i kul boŋ.

Waazukaa 7:18

A ga boori ma haya hinkaa woo dii i masi hun ni ra, zama boro kaŋ ga hunbur Irkoy ga duu fattadoo hayey wey kul ra.

Teegoyey 2:23

Boraa woo kaŋ nondi nda Irkoy kayandiroo takaa, a bay hayaa kaŋ ga kaa ka tee nga ga, war nʼa daŋ goy futu teekey kabey ra i mʼa kanji kʼa wii.

Teegoyey 4:28

ka hayaa kul tee kaŋ ni kaboo nda ni kayandiroo nʼa dunbandi za gayyan a ma teendi.

Teegoyey 5:39

Amma nda Irkoy do a hun, war si hin kʼi kayandi, abada a masi garandi kaŋ Irkoy bande war ga yenje.» I yadda a se.

Rom borey batagaa 11:36

Zama haya kul mana hun kala Irkoy ga, nga no ma kate haya kul ma bara, nga se haya kul ga bara. Nga, darža ma bara a ga hala abada. Amin.

Efez borey batagaa 3:11

A na woo tee ka sawa nda dunbari abadantaa kaŋ a nʼa ka goy Almasihu Isa ir Koyoo albarkaa ra.

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.

Tit batagaa 1:2

I ma duu hunayan abadantaa naataa kaŋ Irkoy kaŋ si taari na nga allaahidoo zaa za alwaatey kul jine.

Žak batagaa 1:17

Nooyan henna kul nda nooyan timmante kul si hun kala beene, gaayey Baabaa do. Nga kaŋ si barmay, a si tee bii kaŋ ga bere-bere.

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»