Waazukaa 3:11 - Songhai de Gao Bible

¹¹ Irkoy na haya kul tee ka boori nga waatoo ra. A na lakkal mo kaŋ gʼa hongandi kaŋ duumiyan ga bara daŋ adamize binoo ra , ka gar adamize si hin ka faham takaa se kaŋ nda Irkoy ga goy kʼa dii za šintinoo ga hala benantaa ga.

Waazukaa 3:11 ပူးပေါင်းရင်းမြစ်များ

Šintinoo 1:31

Irkoy na hayey kul laasaabu kaŋ a nʼi tee. A dii kaŋ i hanse ka boori. Cijin foo kaa, subbaahi foo kaa. Woo ti zaari idduwantoo.

Ayuba 11:7

Nʼga hin ka Irkoy sirrey bay, ka Hini-kul-koyoo kaŋ tee ka timme bay wala?

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 5:9

A ga haya beeriyaŋ tee kaŋ si fahamandi, a ga kayfiyaŋ tee kaŋ si kabandi.

Zaburey 104:24

Abadantaa, ni teegoyey ga boobo! Nʼnʼi kul tee nda lakkal, laboo ga too nda hayey kaŋ nʼnʼi tee.

Yaasawey 16:4

Haya kul kaŋ Abadantaa nʼa tee goo nda addalil, ba boro futu, a manʼa tee kala bone zaari se.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 11:5

Takaa kaŋ nda nʼsi hewoo fondaa bay, nʼsi takaa bay kaŋ nda biri ga tee woy alhaamidu gundoo ra, takaa din da, nʼsi Irkoy kaŋ ga haya kul tee goyoo bay.

Waazukaa 7:13

Irkoy teegoyoo guna: may ma hin ka haya šerrandi kaŋ Irkoy nʼa golbi.

Waazukaa 7:23

Woo kul ay na lakkal kʼa sii. Ay nee kaŋ ay ga duu lakkal, amma a goo ya ne nongu mooro ra.

Waazukaa 7:29

Woo kul hayaa kaŋ ay duu a ne: Irkoy nka adamizey tee i ga šerre, amma ngi, i na šenday boobo ceeci.»

Waazukaa 8:17

ay dii Irkoy teegoyey kul. Adamize si hin ka faham teegoyey kaŋ ga teendi waynaa cire. Haya kaŋ adamize gʼa ceeci nda taabi, a si faham a se. Ba nda lakkalkoyni ga hongu kaŋ nga faham a se, a si hin ka faham a se.

Matiyu 11:27

«Ay Baabaa Irkoy na hayey kul daŋ ay kaboo ra. Boro kul si Izʼaroo bay nda manʼti Baabaa Irkoy. Boro kul si Baabaa Irkoy mo bay nda manʼti Izʼaroo, nda boro kaŋ se Izʼaroo baa nga mʼa bangandi.

Matiyu 13:22

Dumari karjikoyney kaŋ ra a saya manʼti kala boraa kaŋ maa Šennoo, amma zamanoo alhuzunoo, nda almanoo kaŋ ga zanba ga Šennoo hewguba, a masi ize tee.

Marku 7:37

A tee alžamaa se boŋhaway beeri, de i nee: «Haya henna koonu no a gʼa tee! A ga lutey haŋawey feeri, a ga benbawey šelaŋandi.»

Rom borey batagaa 1:28

Takaa kaŋ nda i mana ceeci ngi ma Irkoy bay, Irkoy nʼi naŋ i ma hanga ngi lakkal šiirey bande hala i ma haya tee kaŋ si hima.

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.

Alhukumoo 32:4

Nga ti Tondoo, nga teegoyey ga timme, zama nga fondawey kul ga šerre. Koy no kaŋ ga laadir, šerre jaŋay sii a do, a ga šerre, cimikoyni no.