Waazukaa 2:26 - Songhai de Gao Bible

²⁶ Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Waazukaa 2:26 ပူးပေါင်းရင်းမြစ်များ

Šintinoo 7:1

Woo banda ga, Abadantaa nee Nuhu se: «Huru harihiyoo ra, ni nda ni hugoo borey kul, zama ay do, ni hinne ti šerrante ni alwaddaa ra.

Ayuba 32:8

Amma nda cimi, hundoo kaŋ goo adamize ra, manʼti kala Hini-kul-koyoo hunsaroo kaŋ ga adamize noo fahamay.

Ayuba 38:36

May no ka lakkal daŋ bine kuneheroo ra, may no ka fahamay daŋ boro binoo ra?

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 51:6

Ni ga, ni hinne ga, ay na zunubu tee, ay na goyfutu tee ni jine, hayaa kaŋ nʼnʼa har, ni goo nda cimi, ni ciitoo ga henan.

Yaasawey 13:22

Boro henna mma tubu naŋ nga haamawey se, zunubante kabehayaa si jisandi kala šerrante se.

Yaasawey 2:6

Zama Abadantaa no ma lakkal noo, nga miɲoo ra bayray nda fahamay ga hun.

Yaasawey 28:8

Boro kaŋ ga nga almanoo tonton nda albaha nda arriba futu, a sʼa marga kala boraa se kaŋ ga hinna.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:14

Ay dii teegoyey kul kaŋ ga teendi waynaa cire, i kul sii nda addalil sanda hew gaarandiyan.

Waazukaa 2:25

May no ma hin ka ŋaa ka ɲaali nda a mana hun a se Irkoy do?

Waazukaa 3:10

Ay dii taabiyanoo kaŋ Irkoy gʼa daŋ adamizey ga kʼi farandi.

Luka 1:6

Ngi boro hinkaa kul ti boro šerranteyaŋ Irkoy jine. I ga dira nda cimi ir Koyoo yaamarey nda nga ašariyawey bande.

Yehiya 16:24

Hala sohõ war mana haya kul ŋaaray ay maaɲoo ga. Wa ŋaaray, war ga duu hala haya kul masi war ɲaaloo gaza.»

Žak batagaa 3:17

Lakkaloo kaŋ hun beene, haya jinaa ti, a ga henan, a ga alaafiya noo, a ga boro tee boro boryo, a ga waafakay ceeci, a ga too met nda hinnari nda teegoy henna, a si borey daŋ cere jine, almunafikitaray sii a ra.