Waazukaa 2:23 - Songhai de Gao Bible

²³ Nga zaarey kul manʼti kala farayan, a si duu nafa kul nga goyoo ra nda manʼti dooray. Ba cijin here binoo si kani. Woo mo sii nda addalil.

Waazukaa 2:23 ပူးပေါင်းရင်းမြစ်များ

Šintinoo 3:17

A nee aroo se: «Nʼna haŋajer ni wandoo se, de mo nʼna tuuroo izoo ŋaa kaŋ ay na ni yaamar masʼa ŋaa, woo se laboo ga laali ni maaganda se. Farayan nda nʼga duu ni meeŋaaroo ni hunaroo kul ra.

Šintinoo 47:9

Yakuba na Firawuuna zaabi ka nee: «Ay yawtaraa jiirey manʼti kala zangu nda waranza (130). Ay hunaroo jiirey ga kacca i ga laala, i mana too jiirey kaŋ ay kaagey duu ey ngi yawtaraa ra.»

Ester 6:1

Cijinoo din kokoyoo mana hin ka jirbi, a nee kaŋ i ma kate nga se tiiraa kaŋ ra hayey kaŋ teendi zaari kul ga hantumandi, i kate a kʼa caw a se.

Ayuba 14:1

«Woy boro ka adamize hay, nga aloomuroo ga kacca, a ga too nda alhuzun.

Ayuba 5:7

Adamize mana hayandi kala farayan se, sanda takaa kaŋ nda nuune ga sar.

Zaburey 127:2

Yaada ti war ga tun subbaahi biya, war ga gay hala war ga kani, war ga taabi ka duu war meehunaa, ka gar a ga nga baakaa noo hayey kaŋ ga a ga too ka gar a goo ma jirbi.

Zaburey 32:4

zama cijin nda zaari ni kaboo tiŋaa goo ay ga, ay gaaboo bere ka tee konni waati kogay. Kay-kayna

Zaburey 90:15

Ir ɲaalandi ka sawa nda waatey hinnaa kaŋ nʼnʼir taabandi, ka sawa nda jiirey hinnaa kaŋ ir nʼa tee bone ra.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:18

Boro kaŋ goo nda lakkal beeri goo nda dooray beeri, boro kaŋ tonton nga bayraa ra, mma tonton nga zaraboo ga.

Waazukaa 2:11

Woo banda ga, ay kuubi ka bere hayey kul kaŋ ay kabey nʼi tee here, nda taabiyanoo kaŋ ay duu a ngi teeyanoo ra, ay gar kaŋ woo kul sii nda addalil sanda hew gaarandiyan, nafa kul sii i ra waynaa cire.

Waazukaa 5:12

Ay dii haya futu beeri foo waynaa cire kaŋ ti boro ga alman marga kaŋ ga kate ni ga bone.

Waazukaa 5:17

Hayaa kaŋ ay dii a kaŋ ga boori, a ga hennay adamize se manʼti kala a ma ŋaa, a ma haŋ ka dii gomni nga taabiyanoo kul ra kaŋ a gʼa tee waynaa cire, aloomuroo ra kaŋ Irkoy nʼa noo a se, zama woo ti nga bagaa.

Waazukaa 8:16

Waatoo kaŋ ay kayandi ka lakkal bay nda ka dii hayaa kaŋ ga tee laboo ga, zama adamize moɲey si dii jirbi cijin nda zaari,

Teegoyey 14:22

ka taalibey biney daŋ, kʼi hoyray i ma gaabandi naanaa ga, ka bayrandi i se ka nee: «Kala zarabi boobo ma duu ir hala ir ga huru Irkoy Laamaa ra.»