Waazukaa 2:18 - Songhai de Gao Bible

¹⁸ Ay konna goyoo kul kaŋ nda ay taabi waynaa cire, zama ay ga hima kʼa naŋ boraa se kaŋ ga huru ay dogoo ra.

Waazukaa 2:18 ပူးပေါင်းရင်းမြစ်များ

Zaburey 17:14

Abadantaa, ni kaboo kʼay hallasi adamizey ra, aduɲɲa borey kabey ra! Ngi bagaa ti aduɲɲa, ngi gundey too nda woo kaŋ nʼnʼa jisi, ngi izey ga kungu, i ga kungu ka cindoo naŋ ngi zankey se.

Zaburey 39:6

Nʼna ay jiirey kuuyanoo tee kabe hayyan diidaa, agay aloomuroo manʼti baffoo ni do. Cimi no, adamize kul, ba kaŋ a ga huna, a manʼti kala harandaŋ. Kay-kayna

Zaburey 49:10

I mma hongu kaŋ ngi ga huna hala abada, ngi si dii saaraa guusoo wala?

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:3

Farayanoo kul kaŋ nda adamize ga nga boŋ farandi waynaa cire, macin ti nafaa kaŋ a ga duu a a ra?

Waazukaa 2:11

Woo banda ga, ay kuubi ka bere hayey kul kaŋ ay kabey nʼi tee here, nda taabiyanoo kaŋ ay duu a ngi teeyanoo ra, ay gar kaŋ woo kul sii nda addalil sanda hew gaarandiyan, nafa kul sii i ra waynaa cire.

Waazukaa 2:21

Boro goo no kaŋ goy nda lakkal, nda bayray, nda gaabandiyan, amma boro tana kaŋ mana goy no ma duu nga fara bagaa. Woo mo sii nda addalil, ifutu beeri no.

Waazukaa 2:26

Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Waazukaa 3:22

Adiši ay dii kaŋ haya kul mana baa adamize se kala a ma ɲaali nda nga teegoyey, zama woo ti nga bagaa. May no mʼa willi katandi hala ma dii hayey kaŋ tee dumaa ga?

Waazukaa 4:3

Amma boro kaŋ mana hayandi jina duu gomni ka bisa ihinkaa kul, zama a mana dii goy futaa kaŋ ga teendi waynaa cire.

Waazukaa 5:18

Boro kul kaŋ Irkoy nʼa noo alman nda arzaka, kʼa noo a ma huna i ra, ka nga bagaa zaa, ka ɲaali nda nga goyoo, woo manʼti kala Irkoy nooyan.

Waazukaa 9:9

Daame nda woyoo kaŋ nʼga bagʼa ni hunari yaadaa kul ra kaŋ Irkoy nʼa noo ma ne waynaa cire, ni zaari yaadawey kul ra, zama ni bagaa no hunaroo nda taabiyanoo ra kaŋ nʼgʼa tee waynaa cire.

Luka 12:20

Amma Irkoy nee a se: ‹Saama, hõ cijinoo hunday ni hundoo ga taandi. Hayey kaŋ nʼnʼi soolu, may no ma duu ey?›

Korent borey bataga 1na 3:10

Ka sawa nda Irkoy anneemaa kaŋ nondi ya ne, sanda cinakaw lakkalkoyni, ay na feraw jinawey gorandi kaŋ ti asaasoo, boro tana cina a ga. Amma boro foo kul ma hawgay nda takaa kaŋ nda a ga cina a ga.