Waazukaa 2:17 - Songhai de Gao Bible

¹⁷ Ay konna hunayan, zama agay se hayaa kaŋ ga tee waynaa cire si boori, zama haya kul sii nda addalil sanda hew gaarandiyan.

Waazukaa 2:17 ပူးပေါင်းရင်းမြစ်များ

Kokoyey 1na 19:4

Nga hunday na saajoo fondaa zaa, a na zaari foo tee a ga dira hala a too saabay foo jere kaŋ goo jere ga, a goro a cire. A nee nga boŋ se nga mma baa nga ma buu, a nee: «A wasa, sohõ Abadantaa, ay hundoo dii, zama ya na bisa ay baabey.»

Ayuba 14:13

He! Nda i nkʼay tugu alaahara, kʼay tugu hala ni futuroo ga yay, nda a gar ni nka waati daŋ kaŋ ra nʼga hongu agay!

Zaburey 89:47

Ya Abadantaa, hala waati foo no nʼga fay nda ka ni boŋ tugu? Hala waati foo no ni futuroo kaŋ ga wiiya sanda nuune ga ben?

Waazukaa 1:14

Ay dii teegoyey kul kaŋ ga teendi waynaa cire, i kul sii nda addalil sanda hew gaarandiyan.

Waazukaa 1:17

Ay kayandi hala ya lakkal bay, hala ya saamataray nda hollokomtaray bay, ay dii kaŋ nga mo manʼti kala sanda hew gaarandiyan.

Waazukaa 2:11

Woo banda ga, ay kuubi ka bere hayey kul kaŋ ay kabey nʼi tee here, nda taabiyanoo kaŋ ay duu a ngi teeyanoo ra, ay gar kaŋ woo kul sii nda addalil sanda hew gaarandiyan, nafa kul sii i ra waynaa cire.

Waazukaa 2:22

Macin no boro ga duu a goyoo nda almušakkawey ra kaŋ a gʼi tee waynaa cire?

Waazukaa 3:16

Hayaa ne kaŋ ay dii a koyne waynaa cire: taari huru ciiti dogoo ra, ifutu goo šerretaray dogoo ra.

Waazukaa 4:2

Woo se ay ga nee kaŋ borey kaŋ buu ka bisa duu gomni ka bisa baahunantey kaŋ ga bara.

Waazukaa 4:3

Amma boro kaŋ mana hayandi jina duu gomni ka bisa ihinkaa kul, zama a mana dii goy futaa kaŋ ga teendi waynaa cire.

Waazukaa 6:9

Boro ma dii nda nga moɲey baa haya kaŋ boro gʼa boonay. Woo mo sii nda addalil sanda hew gaarandiyan.

Yunusa 4:3

Sohõ kaŋ ni takaa ti woo, Abadantaa, ay hundoo dii, zama ay baa buuyan ka bisa hunayan.»

Yunusa 4:8

Waatoo kaŋ waynaa fatta, Irkoy na dandi hew konna foo tunandi. Waynaa na Yunusa kar hala a kaŋ bininiyan se, Yunusa nee nga mma baa nga ma buu, a nee: «Irkoy, agay woo, ay baa buuyan ka bisa hunayan.»

Kabuyaney 11:15

Nda woo no nʼgʼa tee ya ne, alhormo tee ya ne, adiši ay wii, ya si dii bonaa woo kaŋ goo kaa ay ga.»