Waazukaa 2:14 - Songhai de Gao Bible

¹⁴ Lakkalkoyni goo nda moo ka dii, amma boro lakkal jaŋante mma dira kubay ra. Amma ay na haya foo laasaabu kaŋ ti koddor follokaa bara ihinkaa kul se.

Waazukaa 2:14 ပူးပေါင်းရင်းမြစ်များ

Zaburey 19:10

Abadantaa hunburaa, žiibi sii a ra, a ga bara hala abada, Abadantaa hantumey kaŋ kayandi ti cimi, i kul ga šerre.

Zaburey 49:10

I mma hongu kaŋ ngi ga huna hala abada, ngi si dii saaraa guusoo wala?

Zaburey 49:11

Zama boro ga dii kaŋ lakkalkoyney ga buu, lakkal jaŋantaa nda saamaa mo ga dere ka ngi kabehayey naŋ boro tanayaŋ se.

Yaasawey 14:8

Boro carma lakkaloo gʼa faaba ka nga dira takaa hawgay, lakkal jaŋante saamataraa gʼa derandi.

Yaasawey 17:24

Lakkal goo boro bayraykoyni jere, amma lakkal jaŋante moɲey goo laboo kanjey ga.

Waazukaa 2:16

Lakkalkoyni nda lakkal jaŋante kul cindi lakkaley ra hala abada, zaarey waatey kaŋ ga kaa ra borey ga dirɲa ihinkaa kul. Lakkalkoyni ga buu sanda lakkal jaŋante.

Waazukaa 3:19

Zama adamizey koddoroo nda adabbawey koddoroo kul ti affoo, adamize ga buu, adabba ga buu, hundi follokaa bara i ra, adamize ma bisa adabba sii nda nafaw: woo kul sii nda addalil.

Waazukaa 6:6

Ba nda a huna cee hinka jiiri zenber foo (1.000) bila nda a ma dii gomni, haya kul si koy nongu follokaa ra wala?

Waazukaa 6:8

Macin ti nafaa kaŋ lakkalkoyni ga duu a ka bisa lakkal jaŋante? Talka ma nga dira takaa bay baahunantey jine, macin no a gʼa hanse a se?

Waazukaa 7:2

Boro ma koy beray hugu ra baa ma koy hugu kaŋ ra ŋaayan hoyandi goo, zama woo din ti adamize kul kokoroo, baahunante ga hima ka miile a ga.

Waazukaa 8:1

May ma hima nda lakkalkoyni? May ma hin ka hayey feeri? Adamize lakkaloo mma nga ndumoo ɲaalandi, a ga nga anniyaa feeri.

Waazukaa 9:11

Ay yee ka laasaabu ka dii waynaa cire kaŋ manʼti cahãntey no ma hin gaarandiyan ra, manʼti wongaarey no ma hin wongu ra, manʼti lakkalkoyney no ma duu ŋaayan, manʼti carmantey no ma duu alman, manʼti bayraykoyney no ma duu alhormo, zama gomni wala bone ga kaa boro kul ga nga waatoo ra.

Waazukaa 9:16

Agay, ay nee: «Lakkal baa gaabi, amma borey mma talka lakkaloo kaynandi, i si haŋajer nga šenney se.»

Yehiya bataga 1na 2:11

Boro kaŋ ga konna nga armaa sii kala kubaa ra, a si dira kala kubaa ra, a si bay nongu kaŋ ra nga ga koy, zama kubaa nka moɲey danandi.