Waazukaa 2:10 - Songhai de Gao Bible

¹⁰ Haya kul kaŋ ay moɲoo bagʼa, ya nʼa wanji a se, ya na kaani kul wanji ay binoo se, zama ay binoo ɲaali ay goyoo kul ra, woo ti fara bagaa kaŋ ay duu a ay goyoo kul ra.

Waazukaa 2:10 ပူးပေါင်းရင်းမြစ်များ

Šintinoo 3:6

Woyoo dii kaŋ tuuroo izoo ga boori ŋaayan se. Nga gunayanoo ga boori, de mo boro ga alhawa a se, zama lakkal no a ga noo. A na tuuroo ize foo kosu, a nʼa ŋaa. Nga banda ga, nga kurɲoo kaŋ goo a bande, a nʼa noo, de nga mo nʼa ŋaa.

Šintinoo 6:2

Irkoy izʼarey dii kaŋ nbunadam ize woyey ga boori, de i na woyey hiiji kaŋ i nʼi suuba i ra.

Ayuba 31:1

«Amaana no ay daŋ agay nda ay moɲey game kaŋ ay sʼay moɲey kanji woy soogo ra kaŋ si aru bay kʼa boonay.

Zaburey 119:37

Ay moɲey kaa haya yaadawey gunayanoo ga, ay hunandi ni fondaa ga!

Zaburey 128:2

Nʼga daame nda ni kabe goyoo nafaa. Ni duu gomni, binekaanay ti ni wane.

Yaasawey 23:5

Ni moɲey mma bara alman bande wala? A sii no, zama a na fatayaŋ tee, sanda dutal, a deeši ka koy beenaa here.

Waazukaa 11:9

Aru soogaa, daame ni soogataraa ra, ni binoo ma ni daŋ gomni ra ni zankataraa zaarey ra, hanga ni bine-ibaayoo nda woo kaŋ ga kan ni moɲey se, amma ma bay kaŋ Irkoy ga ni ciiti hayey wey kul se.

Waazukaa 2:1

Ay nee ay boŋ se: «Koy, ay ga ni sii ɲaali here, nʼga dii haya kaŋ ti gomni. He, woo mo sii nda addalil.»

Waazukaa 2:22

Macin no boro ga duu a goyoo nda almušakkawey ra kaŋ a gʼi tee waynaa cire?

Waazukaa 2:24

Haya kul si baa adamize se kala ŋaayan, nda haŋyan, nda a ma dii nga goyoo gomnoo. Ay dii kaŋ woo kul mo Irkoy no mʼa tee boro se.

Waazukaa 3:22

Adiši ay dii kaŋ haya kul mana baa adamize se kala a ma ɲaali nda nga teegoyey, zama woo ti nga bagaa. May no mʼa willi katandi hala ma dii hayey kaŋ tee dumaa ga?

Waazukaa 5:10

Nda alman boobo, nga ŋaakey ga boobo, macin ti albahaa kaŋ koyoo ga duu a a ra nda manʼti ka dii a nda nga moɲey?

Waazukaa 5:17

Hayaa kaŋ ay dii a kaŋ ga boori, a ga hennay adamize se manʼti kala a ma ŋaa, a ma haŋ ka dii gomni nga taabiyanoo kul ra kaŋ a gʼa tee waynaa cire, aloomuroo ra kaŋ Irkoy nʼa noo a se, zama woo ti nga bagaa.

Waazukaa 5:18

Boro kul kaŋ Irkoy nʼa noo alman nda arzaka, kʼa noo a ma huna i ra, ka nga bagaa zaa, ka ɲaali nda nga goyoo, woo manʼti kala Irkoy nooyan.

Waazukaa 6:2

Irkoy na alman noo boro se, nda arzaka, nda darža, haya sii no kaŋ a ga bagʼa kaŋ ga hundoo kuma. Amma Irkoy manʼa noo a ma maakaani i ra, yaw no ma maakaani i ra. Woo sii nda addalil, ifutu beeri no.

Waazukaa 6:9

Boro ma dii nda nga moɲey baa haya kaŋ boro gʼa boonay. Woo mo sii nda addalil sanda hew gaarandiyan.

Waazukaa 8:15

Woo se ay ɲaali ka zanzaŋ, zama haya henna kul sii adamize se waynaa cire, nda manʼti a ma ŋaa, a ma haŋ ka ɲaali, woo ti haya kaŋ ga hima ka hanga a nga taabiyanoo, zaarey waatoo ra kaŋ Irkoy nʼa noo a se waynaa cire.

Waazukaa 9:6

Ngi bajoo, nda ngi konnaroo, nda ngi canseyanoo dere ka ben, i sii nda baa koyne hala abada hayey ra kaŋ ga tee waynaa cire.

Waazukaa 9:9

Daame nda woyoo kaŋ nʼga bagʼa ni hunari yaadaa kul ra kaŋ Irkoy nʼa noo ma ne waynaa cire, ni zaari yaadawey kul ra, zama ni bagaa no hunaroo nda taabiyanoo ra kaŋ nʼgʼa tee waynaa cire.

Yehiya bataga 1na 2:16

Zama hayey kul kaŋ goo aduɲɲa ra, maanaa gaaham boonay futaa, nda moo boonay futaa, nda aduɲɲa bolsaa, si hun Baabaa Irkoy do, amma aduɲɲa ra i ga hun.

Alkaaley 14:2

Waatoo kaŋ a willi hugey do, a nee baaboo nda ɲaŋoo se: «Ay dii woy foo Timna, Filisti borey ize woyey ra, sohõ, wʼa wiri ya ne hiijay.»