Waazukaa 12:7 - Songhai de Gao Bible

⁷ Labuhamnoo ga yee laboo ra kaŋ ra a hun, hundi ma yee Irkoy do kaŋ nʼa noo.

Waazukaa 12:7 ပူးပေါင်းရင်းမြစ်များ

Šintinoo 18:27

Ibirahima nee koyne: «Ay yadda ka šelaŋ ay Koyoo se, agay kaŋ manʼti kala labu nda boosu yaada.

Šintinoo 2:7

Labuhamni no Irkoy Abadantaa nʼa zaa laboo ra ka aru hanse jina, a duu ka hundi funsu niiney ra. Aroo tee hundikoyni.

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Ayuba 20:11

Gaahamoo saabu sanda zanka, amma a huru a bande laboo cire.

Ayuba 7:21

Macin se nʼsʼay tooɲaa yaafa ya ne, kʼay layboo naŋ ya ne? Zama sohõ, ay ga koy kani laboo cire, nʼgʼay ceeci, amma ay sii no.»

Zaburey 103:14

Zama nga, a ga takaa bay kaŋ nda ir teendi, a ga hongu kaŋ ir manʼti kala labu.

Zaburey 104:29

Nʼna ni ndumoo bere i se, i ga hunbur, nʼna ngi hunsaroo dii, i ga dere ka willi laboo ra.

Zaburey 146:4

Hundoo ga hun, a ga willi nga laboo ra, zaari follokaa ra nga tammahãwey ga dere.

Zaburey 31:6

Ay gʼay hundoo daŋ ni kaboo ra kʼa talfi ni ga. Nʼnʼay feeri, Abadantaa, cimi Koyoo.

Zaburey 90:3

Nʼga boro willi laboo ra, ni nee: «Adamizey, wa willi kate!»

Kabuyaney 16:22

I kaŋ laboo ra ngi boŋey ga, i nee: «Ya Irkoy, baahunantey kul hundey Koyoo, boro folloku ka zunubu tee, woo ga, nʼga futu jamaa kul ga wala?»

Kabuyaney 27:16

«Abadantaa baahunantey kul hundey Koyoo, aru daŋ jamaa jine

Luka 23:46

Isa na jinde jer ka kaati ka nee: «Baaba Irkoy, ay gʼay hundoo daŋ ni kaboo ra kʼa talfi ni ga.» Kaŋ a na woo har ka ben, hundoo hun.

Teegoyey 7:59

I na Etiyen warra nda tondi kʼa wii kaŋ a ga Irkoy cee ka nee: «Ay Koyoo Isa, ay hundoo taa.»

Eberewey batagaa 12:23

nda gunde jinayaŋ margaroo kaŋyaŋ hantumandi beenaa ra, nda Irkoy kaŋ ti borey kul ciitikaa, nda boro šerrantey hundey kaŋ Irkoy nʼi tee boro timmanteyaŋ.

Eberewey batagaa 12:9

Koyne mo aduɲɲa ra ir duu baabayaŋ kaŋ nʼir aladabu, ir nʼi beerandi. Ir sʼir boŋ yeeti ganda hundey Baabaa se ka duu hunayan wala?