Waazukaa 12:5 - Songhai de Gao Bible

⁵ Waatoo din ra, boro ga hunbur haya kaŋ jerandi, fondaa ra hunburay goo no, amand tuuroo ga zay ka boosu, ndoowaa ga tiŋ, day-dayey tenbaa dere, zama adamize ga koy nongoo ra kaŋ tee nga hugoo hala abada, woo ga, hẽenikey ga fatta lolaa ra.

Waazukaa 12:5 ပူးပေါင်းရင်းမြစ်များ

Šintinoo 42:38

Amma a nee: «Ay izʼaroo si doo war bande, nga armaa nka buu, nga foo ka cindi. Nda albasi duu a diraa ra, binehẽeni nda war gʼay žeenayyanoo zumandi alaahara.»

Šintinoo 44:29

Nda war na woo mo taa ay kone, de albasi duu a, war gʼay žeenayyanoo zumandi nda hottay alaahara.›

Šintinoo 44:31

nda a dii kaŋ zankaa sii ir bande, kul a ga buu! De ni tamey gʼir baabaa, ni tamoo zumandi nga žeenayyanoo ra nda binehẽeni alaahara.

Ayuba 15:10

Hinbiri kaarayyaŋ nda aru žeenayaŋ goo ir ra, i bisa ni baabaa jiiri.

Ayuba 17:13

Nongoo kaŋ ay gʼa tammahã, manʼti nga ti alaahara? Kubaa ti ay kanidogoo.

Ayuba 30:23

Ay ga bay, ni mma mʼay ka koy buuyan ga kaŋ ti nongoo kaŋ ra hundikoyney kul ga koy.

Zaburey 71:18

Ba ay žeenay nda ay hinbiri kaaray ga, masʼay naŋ, ay Koyoo, hala ya ni gaaboo bayrandi zamanoo woo se, ka ni hinoo har borey se kaŋ ga kaa.

Yaasawey 16:31

Hinbiri kaaray ga hima nda kokoy fuula daržante, šerretaray fondaa ga a ga duwandi.

Yaasawey 20:29

Soogey gaaboo ti ngi beeraa, boro žeeney hinbiri kaarawey ti ngi taalamoo.

Waazukaa 9:10

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.

Sargarey 19:32

Ma aladabu hinbiri kaaraykoyni jine, ma boro žeena beerandi, ma hunbur ni Koyoo. Agay ti Abadantaa.

Eberewey batagaa 9:27

A dunbandi kaŋ adamize kul si buu kala cee folloku jina ciitoo ma kaa.