Waazukaa 12:2 - Songhai de Gao Bible

² Za waynaa nda gaayoo mana tee kubay, ngi, nda handoo, nda handarawey, de duulawey willi kate koyne ncirɲoo banda ga,

Waazukaa 12:2 ပူးပေါင်းရင်းမြစ်များ

Šintinoo 27:1

Žeenay kaa Isiyaka ga, nga moo gunaa kuma hala nongu kaŋ ra a si dii koyne. A ciya nga izʼaru jinaa Eso se, a nee a se: «Ay izoo!» A nʼa zaabi ka nee: «Agay ne, ay baabaa!»

Šintinoo 48:10

Žeenayyanoo na Izirayel moɲey kokoorandi hala nongu kaŋ ra a si dii koyne. A nʼi manandi a ga. Yakuba nʼi summu, a nʼi naagu nga gandoo ra.

Zaburey 42:7

Ay Koyoo, ay binoo ga hẽe, woo maaganda se ay ga hongu ni za Žurdeŋ isaa gandaa ra, za Mitiseyar tondi hondoo boŋ kaŋ goo Hermoŋ tondi hondey ra.

Zaburey 71:20

Nʼnʼir cebe torro booboyaŋ, nʼgʼir hunaroo taagandi, nʼgʼir žigandi kʼir kaa laboo guusu futaa ra.

Zaburey 77:16

Ni na ni kabe albarkantaa ka ni jamaa day kʼi feeri kaŋyaŋ ti Yakuba izʼarey nda Isufi izʼarey. Kay-kayna

Zaburey 90:10

Ir aloomuroo ga koy too jiiri woyye (70), boro yakuwantey jiiri woyyaaha (80), woo se ngi bolsayyanoo si kate kala bone nda ifutu, zama hunaroo ga bisa, ir ga tee sanda hew.

Matiyu 24:29

«Dogoo din da zaraboo haney din banda ga, waynaa ga tee kubay, handoo si nga gaayoo noo, handarawey ga kaŋ ka hun beenaa ra, beenaa hayey ga jijiri.

Samiyel 1na 3:2

Waati follokaa ra, Eli goo ma kani nga dogoo ra, moo gunaa šintin ka kuma, a si hin ka dii koyne.

Samiyel 1na 4:15

Eli goo nda jiiri woyyagga cindi yaaha (98), moɲey mma bakam, a si hin ka dii.

Samiyel 1na 4:18

Za a na Irkoy sundukoo har, Eli kaŋ, nga šeezoo bere koyraa miɲoo jere, jindebandaa kayri, a buu, zama aru žeena no, de mo a ga tiŋ. A tee alkaali jiiri woytaaci (40) Izirayel ra.