Waazukaa 12:13 - Songhai de Gao Bible

¹³ Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Waazukaa 12:13 ပူးပေါင်းရင်းမြစ်များ

Šintinoo 22:12

Almalaykaa nee a se: «Ni kaboo masi ziira zankaa do, de mo masi baffoo tee a se, zama sohõ ay bay kaŋ nʼga hunbur Irkoy, ni ize bajja follokaa, manʼa ka wanji a se!»

Kokoyey 1na 2:3

Ma laadir Abadantaa, ni Koyoo here ka nga fondawey gana, ka nga hantumey, nda nga yaamarey, nda nga hantumey kaŋ kayandi, nda nga seedetarawey dii kaŋ nda a nʼi har takaa kaŋ nda i hantumandi Musa ašariyaa tiiraa ra, woo ra haya kul kaŋ nʼgʼa tee, nongu kul kaŋ ra ni koy, i kul ga tee ihenna,

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Zaburey 111:10

Ka hunbur Abadantaa ti lakkal šintinoo, boro kaŋ ga nga yaamarey dii ga duu lakkal henna. Nga saaburoo ga bara hala abada.

Zaburey 145:19

A ga borey kaŋ ga hunbur a almuraadey feeri, a ga maa ngi faaba ceeci kaatiroo, a gʼi hallasi.

Zaburey 147:11

Borey kaŋ ga hunbur Abadantaa ga kan a se, borey kaŋ ga naata nga borohennataraa ga.

Yaasawey 1:7

Ka hunbur Abadantaa ti bayray šintinoo, saama mma lakkal nda hoyray tee yaada.

Yaasawey 19:23

Ka hunbur Abadantaa ga boro noo aloomur, nʼga kani nda kunji bila nda bone ma bisa ni here.

Yaasawey 23:17

Ni binoo masi canse zunubu teekey ga, Abadantaa hunburaa ma bara ni binoo ra waati kul,

Waazukaa 2:3

Ay kayandi ay binoo ra yʼay boŋ noo alaneb hari moora se ka dira nda lakkal ka hawa aduɲɲa hayey ga, ka dii haya kaŋ ti ihenna, kaŋ boro ga duu a waynaa cire nga aloomuroo ra.

Waazukaa 3:14

Ay yadda kaŋ haya kul kaŋ Irkoy nʼa tee ga cindi abada. Boro si haya tonton a ga, boro si haya kaa a ra. Irkoy nka woo tee hala borey ma hunbur nga.

Waazukaa 5:7

Nda ni dii ganda kaŋ ra i ga talka šiita, i si yadda cimi nda šerretaray ga, hayaa masi ni boŋoo haw, zama jineboro foo kul, jineboro foo goo a boŋ, amma boro goo no kaŋ goo i kul boŋ.

Waazukaa 6:12

May no ma bay haya kaŋ ga boori boro se nga hunaroo ra, nga aloomur kukoo kaŋ sii nda addalil kaŋ a gʼa tee sanda bii kaŋ ga bisa? May no ma hayaa har adamize se kaŋ ga tee waynaa cire nga banda ga?

Waazukaa 7:18

A ga boori ma haya hinkaa woo dii i masi hun ni ra, zama boro kaŋ ga hunbur Irkoy ga duu fattadoo hayey wey kul ra.

Waazukaa 8:12

Zunubante ga hin ka ifutu tee cee zangu (100), amma a ga duu aloomur kuku, amma ay ga bay kaŋ gomni goo borey se kaŋ ga hunbur Irkoy, zama nga hunburaa goo biney ra.

Waazukaa 8:5

Boro kaŋ ga yaamarey dii si ifutu bay, lakkalkoyni ga bay nga binoo ra kaŋ haya kul si ciitandi kala nga waatoo.

Luka 1:50

Zaman ka kaa zaman, a ga hinna nga hunburkey se.

Alhukumoo 10:12

«Sohõ Izirayel, macin no Abadantaa, ni Koyoo gʼa wiri ni ga? Nda manʼti ma hunbur Abadantaa, ni Koyoo, ka nga fondawey kul gana, ma bagʼa, ma goy Abadantaa, ni Koyoo se nda ni binoo kul nda ni hundoo kul,

Alhukumoo 10:20

Abadantaa, ni Koyoo no ma hunbur a, nga se ma goy, nga ga ma hawa, nga maaɲoo ga nʼga žee.

Alhukumoo 4:10

Hongu hanoo kaŋ ni kay Abadantaa, ni Koyoo jine Horeb, waatoo kaŋ Abadantaa nee ya ne: ‹Jamaa marga ay jere. Ay ga baa i ma maa ay šenney kʼi denden, hala i ma wan ka hunbur agay waatoo kul kaŋ i gʼa tee laboo ga, de i mʼi cawandi ngi izey se.›

Alhukumoo 4:2

War masi haya kul tonton šennoo ga kaŋ ay gʼa noo war se, war masi haya kul kaa a ra. War ma Abadantaa, war Koyoo yaamarey dii kaŋ ay gʼi noo war se.

Alhukumoo 6:2

hala ma hunbur Abadantaa, ni Koyoo ni hunaroo kul ra, ni, nda ni izoo, nda izoo izoo ka nga hantumey, nda nga yaamarey kul dii, wey kaŋ agay, ay gʼi har ma ne hala ma duu aloomur.

Piyer bataga 1na 2:17

Wa adamizey kul beerandi, wa baa war armey, wa hunbur Irkoy, wa kokoyoo beerandi.

Bangandiroo 19:5

Jinde foo hun kokoy gorodogoo ra ka nee: «Wa ir Irkoy saabu, war kul nga baɲɲey [nda] war kaŋ ga hunbur a, ikaccey nda ibeerey.»

Samiyel 1na 12:24

Hayaa hinne kaŋ no ti war ma hunbur Abadantaa, wʼa gana nda cimi nda war binoo kul, wa hongu haya beerey kaŋ a nʼi tee war se.