Waazukaa 12:11 - Songhai de Gao Bible

¹¹ Lakkalkoyney šenney ga hima nda sanayaŋ, šenney kaŋ borey nʼi hantum ga hima nda ponti kaŋ kanjandi cete ra. Kurkaw folloku kʼi kul noo.

Waazukaa 12:11 ပူးပေါင်းရင်းမြစ်များ

Šintinoo 49:24

amma nga biraa alfaydaa ga gay, nga kabey goo nda gaabi, Hinikoyoo kaŋ ti Yakuba Koyoo kabey bande, Kurkaa kaŋ ti Izirayel Tondoo, maaɲoo ga.

Ezra 9:8

Ka gar a mana gay kaŋ ir Koyoo, Abadantaa na alhormo tee ir se kʼir boroyaŋ kaa kabe ra, ka doo tee ir se nga nongu henanantaa ra, ir Koyoo nʼir moɲey annuurandi, a nʼir noo ir ma hunsar waati kayna ir tamtaraa ra.

Zaburey 23:1

Woo ti Dawda zabur foo. Abadantaa ti ay kurkaa, ay si jaŋ haya kul.

Zaburey 80:1

Donkey boŋkoynoo ka woo don. Dooni kaŋ bande kurbu linji iddukoyni goo. Seedetaray. Woo ti Asaf zabur foo.

Yaasawey 1:6

Woo ra a ga wan yaasawey nda šenney feeriyanoo, ka wan lakkalkoyney šenney nda ngi albatawey.

Yaasawey 10:21

Boro šerrante miɲoo ga boro boobo nafa, lakkal jaŋay ga saamey wii.

Yaasawey 22:17

Haŋa kayandi ka maa lakkalkoyney šenney se, ni binoo feeri ay bayraa se.

Waazukaa 10:12

Lakkalkoyni miɲoo ga too nda šenni alhormante, lakkal jaŋante miɲoo gʼa halaci.

Waazukaa 7:5

Boro ma haŋajer lakkalkoyni tejeyaney se baa boro ma haŋajer lakkal jaŋantey doonoo se.

Matiyu 3:7

Kaŋ a dii Fariziyeŋ nda Sadusiyeŋ boobo kaa batizeyanoo se, a nee i se: «Gondi izey, may ka war waanandi war ma zuru Irkoy futayyanoo kaŋ ga kaa se?

Yehiya 10:14

Agay, agay ti kurkaw hennaa, ay gʼay waney bay, ay waney mo gʼay bay,

Yehiya 3:10

Isa zaabi ka nee a se: «Ni kaŋ ti Izirayel cawandikaa, amma nʼsi hayey wey bay?

Teegoyey 2:37

Waatoo kaŋ i maa šenney wey, biney maray, i nee Piyer nda diyawey cindey se: «Macin no ir mʼa tee, arma arey?»

Korent borey bataga 2to 10:4

Zama ir wongu jinawey manʼti adamizey waney, jinay gaabanteyaŋ no kaŋ hun Irkoy do ka hayey kaŋ ga wongu kubay, kʼi kayri, ka taari miilewey halaci,

Eberewey batagaa 13:20

Irkoy kaŋ ti Alaafiyakoyoo kaŋ na feeji kurkaw beeroo, ir Koyoo Isa tunandi ka hun bukawey ra amaana abadantaa kuroo albarkaa ra,

Eberewey batagaa 4:12

Irkoy meešennoo ga huna, a goo nda gaabi. A kan nda takuba kaŋ goo nda mee hinka. A ga koy hala a ma bine nda hundi fay, ka dobu nda londi fay. A ga dii bine honguyanoo nda nga anniyaa.

Piyer bataga 1na 5:4

Waati kaŋ kurkey boŋkoynoo bangay, war ga duu kokoy fuula daržantaa kaŋ si hasara.