Waazukaa 12:1 - Songhai de Gao Bible

¹ Hongu ni Takakaa ni soogataray waatoo ra za bone zaarey mana kaa, jiirey ma kaa kaŋ ra nʼga nee: «Ay si maate kaani kul.»

Waazukaa 12:1 ပူးပေါင်းရင်းမြစ်များ

Šintinoo 39:2

Abadantaa goo Isufi bande, haya kul kaŋ ra a huru ga boori. A cindi nga koyoo, Misira boraa, hugoo ra.

Šintinoo 39:23

Haya kul kaŋ goo Isufi kaboo ra, kasahugoo jineboraa si huga nda a, zama a ga bay kaŋ Abadantaa goo Isufi bande, de mo haya kul kaŋ ra Isufi na kabe daŋ, Abadantaa gʼa boryandi.

Samiyel 2to 19:35

Amma Barzilay nee kokoyoo se: «Jiiri marje ka cindi agay aloomuroo ra hala ya žigi kokoyoo bande ka koy Žerizalem?

Samiyel 2to 19:36

Hõ jiiri woyyaaha (80) bara ya ne. Ay ga hin ka ihenna nda ilaala kaa cere ra wala? Agay, ni tamoo, ay ga hin ka maa haya kaŋ ga ŋandi nda haya kaŋ ga haŋandi kaani wala? Ay ga hin ka maa ba donkaw arey nda woyey jindey kaani wala? Macin se ay ga tee ay koyoo, ay kokoyoo se jeraw koyne?

Kokoyey 1na 14:13

Izirayel kul ga ni izoo hẽe, i gʼa sutura. Žeroboham borey ra, nga hinne no ma huru saaray ra, zama Žeroboham hugoo borey ra, nga hinne ra Abadantaa, Izirayel Koyoo dii haya henna.

Kokoyey 1na 18:12

Nda ay koy a har Akab se, ka gar a mana duu ni, zama nda ay hun ni do sohõ da, Abadantaa Hundoo ga koy nda ni nongu kaŋ ay sʼa bay ra, woo ga, a gʼay wii. Ka gar Abadantaa hunburaa goo ay binoo ra za ay zankataraa ga.

Nehemi 4:14

Nongu kul kaŋ ra war goo, nda war maa hilloo jindoo, war ma kaa ka marga ir jere, ir Koyoo ga wongu ir se.»

Ayuba 30:2

Macin no ngi kabey gaaboo gʼa hanse ya ne? Ngi albarkaa koy.

Zaburey 119:55

Cijinoo ra ay ga hongu ni maaɲoo, Abadantaa, ay ga ni ašariyaa dii.

Zaburey 34:11

Ganjihayla soogey ga hin ka jaŋay ka heray, amma borey kaŋ ga Abadantaa ceeci, haya henna kul jaŋay sii i ga.

Zaburey 63:6

Ay ga kungu, ni mma nee boro kaŋ na haya kaanayaŋ ŋaa. Ay ga kaati nda ɲaali, ay miɲoo ga ni saabu.

Zaburey 90:10

Ir aloomuroo ga koy too jiiri woyye (70), boro yakuwantey jiiri woyyaaha (80), woo se ngi bolsayyanoo si kate kala bone nda ifutu, zama hunaroo ga bisa, ir ga tee sanda hew.

Yaasawey 22:6

Fondaa kaŋ soogaa ga hima kʼa gana cawandi a se, ba nga žeenay ga, a sʼa naŋ.

Yaasawey 8:17

Agay, ay ga baa borey kaŋ ga baa agay, borey kaŋ gʼay ceeci ga duu agay.

Waazukaa 11:10

Woo se ma binehẽenay moorandi ni, bone moorandi ni gaahamoo, soogataray waati nda gaabi sii nda addalil.

Waazukaa 11:2

Boro iyye noo baa, hala yaaha hunday, zama nʼsi bay bone kaŋ ga kaa ka tee laboo ga.

Waazukaa 11:8

Boro kaŋ duu aloomur boobo, a ma ɲaali nda i kul, amma a ma hongu kaŋ kubaa zaarey ga boobo. Haya kul kaŋ ga kaa ka tee sii nda addalil.

Luka 1:15

A ga kaa ka tee boro beeri ir Koyoo jine. A si alaneb hari moora haŋ, a si harifutu haŋ. A ga too met nda Hundi Henanantaa za ɲaŋoo gundoo ra.

Luka 18:16

Isa nʼi cee ka nee i se: «Wa zankey naŋ i ma kaa ay do, war masʼi ganji, zama borey kaŋ ga hima nda ey wane nda Irkoy Laamaa.

Efez borey batagaa 6:4

War mo baabey, war masi war izey biney hasara, wʼi biiri aladabu henna ra ka sawa nda ir Koyoo hoyrawey.

Alhukumoo 8:18

ma hongu Abadantaa, ni Koyoo, zama nga no ma ni noo gaabi ma hin ka duu almanoo woo kul, ka nga amaanaa tabatandi kaŋ a nʼa žee ni baabey se, sanda takaa kaŋ nda a goo mʼa tee hõ.

Timote bataga 2to 3:15

Za zankataray, nʼga Citaabu henanantey bay kaŋ ga hin ka ni noo lakkal hala naanaa kaŋ nʼna daŋ Almasihu Isa ra ma ni hallasi.

Samiyel 1na 1:28

Woo maaganda se agay da mo gʼa noo Abadantaa se. Nga aloomuroo kul ra a ma tee Abadantaa wane.» Woo ga, i sujudu no din Abadantaa jine.

Samiyel 1na 16:7

Abadantaa nee Samiyel se: «Masi nga kunturoo wala nga kayyanoo guna, zama ay wanji a ga. Abadantaa laasaaboo nda adamize wanoo manʼti affoo. Adamize si haya guna kala nda tarayheroo, amma Abadantaa, bine no a gʼa guna.»

Samiyel 1na 2:18

Samiyel ga goy Abadantaa jine. Zanka no, leŋ beene kaayi-ize goo a ga.

Samiyel 1na 2:26

Aru soogaa Samiyel ga koy jine ka tonton ka beeri. Nga takaa ga kan Abadantaa se, a ga kan adamizey se.