Waazukaa 11:5 - Songhai de Gao Bible

⁵ Takaa kaŋ nda nʼsi hewoo fondaa bay, nʼsi takaa bay kaŋ nda biri ga tee woy alhaamidu gundoo ra, takaa din da, nʼsi Irkoy kaŋ ga haya kul tee goyoo bay.

Waazukaa 11:5 ပူးပေါင်းရင်းမြစ်များ

Ayuba 37:23

Ir si hin ka too hala Hini-kul-koyoo do, nga hinoo ga beeri, nga šerretaraa nda nga laadirtaraa ga beeri, a si boro binoo maray.

Ayuba 38:4

Man ra ni goo waatoo kaŋ ay ga aduɲɲa daaru? A har ya ne nda nga bayraa goo ni ra.

Ayuba 5:9

A ga haya beeriyaŋ tee kaŋ si fahamandi, a ga kayfiyaŋ tee kaŋ si kabandi.

Zaburey 104:24

Abadantaa, ni teegoyey ga boobo! Nʼnʼi kul tee nda lakkal, laboo ga too nda hayey kaŋ nʼnʼi tee.

Zaburey 40:5

Boraa duu gomni kaŋ na nga naanaa daŋ Abadantaa ra, a si man borey kaŋ ga ngi boŋ beerandi nda taariharkey.

Zaburey 92:5

Ya Abadantaa, ni teegoyey gʼay ɲaalandi. Ay ga ɲaali ka kaati ni kabe goyey maaganda.

Waazukaa 1:13

Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:6

Hewoo ga hẽe ka koy gurma here, ka bere ka koy hawsa here, a ga kuubi-kuubi ka nga fondaa zaa.

Waazukaa 11:4

Boro kaŋ ga hewoo guna si saya, boro kaŋ ga duulawey guna si hegay.

Waazukaa 3:10

Ay dii taabiyanoo kaŋ Irkoy gʼa daŋ adamizey ga kʼi farandi.

Waazukaa 3:11

Irkoy na haya kul tee ka boori nga waatoo ra. A na lakkal mo kaŋ gʼa hongandi kaŋ duumiyan ga bara daŋ adamize binoo ra , ka gar adamize si hin ka faham takaa se kaŋ nda Irkoy ga goy kʼa dii za šintinoo ga hala benantaa ga.

Waazukaa 7:24

Hayaa kaŋ ga bara sohõ da ga mooru, a ga guusu ka guusu, may ma hin ka duu a?

Waazukaa 8:17

ay dii Irkoy teegoyey kul. Adamize si hin ka faham teegoyey kaŋ ga teendi waynaa cire. Haya kaŋ adamize gʼa ceeci nda taabi, a si faham a se. Ba nda lakkalkoyni ga hongu kaŋ nga faham a se, a si hin ka faham a se.

Yehiya 3:8

Hewoo ga hẽe nongu kaŋ ra a baa, nʼga maa jindoo, amma nʼsi bay nongu kaŋ ra a hun, nʼsi bay nongu kaŋ ra a ga koy. Takaa woo da ti boro kul kaŋ hayandi Irkoy Hundoo albarkaa ra.»

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.