Waazukaa 11:2 - Songhai de Gao Bible

² Boro iyye noo baa, hala yaaha hunday, zama nʼsi bay bone kaŋ ga kaa ka tee laboo ga.

Waazukaa 11:2 ပူးပေါင်းရင်းမြစ်များ

Nehemi 8:10

A nee i se koyne: «Wa koy, war ma ham naasayaŋ ŋaa, war ma haŋhaya kaanayaŋ haŋ, war ma sanba borey se kaŋ sii nda haya kaŋ i gʼa hina. Hõ manʼti kala zaari kaŋ yeetandi jere ga ir Koyoo maaɲoo ga. War biney masi hẽe, zama Abadantaa ɲaaloo ti war gaaboo.»

Ester 9:19

Woo maaganda se, Alyahuudey kaŋ goo saajoo ra, nda wey kaŋ goo koyrawey ra kaŋ sii nda cete ga Adar handoo jirbi woy cindi taacantoo (14to) tee ɲaali zaari, nda hoyandi nda jingar kaŋ ra boro ga gomni sanba nga ceroo se.

Ester 9:22

zama zaarey wey cine ra, Alyahuudey duu ngi boŋ ngi iberey ra. Handoo woo ra, ngi binehẽenoo bere ka tee ɲaali, ngi bonaa bere ka tee ɲaali zaari. A nee i se kaŋ i ma haney din kayandi kʼi tee hoyandi zaari, nda ɲaali zaari, nda ka gomni tee cere se, ka talkey gaakasinay.

Ayuba 5:19

Zarabiyaŋ ga hin ka duu ni cee iddu, amma a ga ni hallasi, cee iyye bonaa si duu ni.

Zaburey 112:9

Boro kaŋ ga talkey noo ka gomni doori i boŋ, nga šerretaraa ga cindi hala abada. Nga gaaboo ga tonton nda darža.

Yaasawey 19:17

Boro kaŋ ga hinna talka se mma garaw Abadantaa se, a ga kaa kʼa bana a se.

Yaasawey 6:16

Haya iddu goo no kaŋ Abadantaa ga konna ey, haya iyye kaŋ ga tee a se almuhal:

Waazukaa 11:3

Nda duulawey ga too met nda ncirɲi, i gʼa doori laboo ga, nda tuuri kaŋ gurma here wala hawsa here, nongoo kaŋ ra tuuroo kaŋ, nga ra a ga cindi.

Waazukaa 11:8

Boro kaŋ duu aloomur boobo, a ma ɲaali nda i kul, amma a ma hongu kaŋ kubaa zaarey ga boobo. Haya kul kaŋ ga kaa ka tee sii nda addalil.

Waazukaa 12:1

Hongu ni Takakaa ni soogataray waatoo ra za bone zaarey mana kaa, jiirey ma kaa kaŋ ra nʼga nee: «Ay si maate kaani kul.»

Matiyu 18:22

Isa nee a se: «Ay si nee ma ne hala cee iyye, amma hala cee woyye cindi iyye (77).

Matiyu 5:42

Boro kaŋ na ni ŋaaray, mʼa noo. Boro kaŋ ga baa nga ma garaw ni ga, masi wanji a se.»

Luka 17:4

Nda zaaroo ra cee iyye a ga zunubu tee ma ne, de cee iyye a ga yee kate ka nee ma ne: ‹Ay nimsi nda woo kaŋ ay nʼa tee›, yaafa a se.»

Galati borey batagaa 6:1

Agʼarmey, nda boro diyandi laybu kul kaŋ teeyanoo ra no, war kaŋ Irkoy Hundoo ga war gongu, wa boraa daŋ fondaa ra nda bineyaynay. Ma hawgay ni hunday masi koy siyandi.

Efez borey batagaa 5:16

kaŋ ga goy nda waatoo kaŋ war duu a, zama zaarey wey ga laala.

Eberewey batagaa 13:3

Wa hongu kasa-izey sanda war mma bara i bande kasaa ra. Wa hongu borey kaŋ i gʼi žilla, zama war mo, gaaham goo war se.

Samiyel 1na 25:8

Ni borey hãa, ngi hunday gʼa har ma ne. Woo ga, alhormo tee ay borey se, zama ir mana kaa kala jingar zaari. Ir gʼa wiri ni ga, mʼir kaŋ ti ni tamey nda Dawda ni izʼaroo noo woo kaŋ goo ni kaboo ra.›»