Waazukaa 1:13 - Songhai de Gao Bible

¹³ Ay kayandi ka ceeci nda lakkal ka haya kul bay nda ka faham haya kaŋ ga tee beenaa cire, goy yaamu no kaŋ Irkoy gʼa daŋ adamizey ga kʼi taabandi.

Waazukaa 1:13 ပူးပေါင်းရင်းမြစ်များ

Šintinoo 3:19

Ni sungaa ra nʼga duu ni meeŋaaroo hala ma yee laboo kaŋ ra ni zandi, zama labu ti ni, de mo laboo ra nʼga yee.»

Ayuba 28:3

Kubawey ga ben, i ga laboo fanši ka koy guusu kuku ra hala tondey kaŋ ga tugu buuyan biyoo ra.

Zaburey 111:2

Abadantaa teegoyey ga beeri, borey kaŋ se i ga kan gʼi ceeci.

Yaasawey 18:1

Boro kaŋ ga nga boŋ daŋ jere ga mma nga ibaayoo ceeci, a si yadda cimi kul ga.

Yaasawey 18:15

Bine kaŋ ga faham ga duu bayray, lakkalkoyney haŋawey ga bayray ceeci.

Yaasawey 23:26

Ay izʼaroo, ay noo ni binoo, yala ni moɲey ma ɲaali ay fondawey ra.

Yaasawey 25:2

Irkoy se, ka hayey tugu darža no kokoyey se, ka hayey feeri-feeri, darža no.

Yaasawey 4:7

Lakkal duuyan šintinoo ti: ma gaabandi ka lakkal ceeci, haya kul kaŋ goo ni kone mʼa ka fahamay ceeci.

Waazukaa 1:17

Ay kayandi hala ya lakkal bay, hala ya saamataray nda hollokomtaray bay, ay dii kaŋ nga mo manʼti kala sanda hew gaarandiyan.

Waazukaa 11:5

Takaa kaŋ nda nʼsi hewoo fondaa bay, nʼsi takaa bay kaŋ nda biri ga tee woy alhaamidu gundoo ra, takaa din da, nʼsi Irkoy kaŋ ga haya kul tee goyoo bay.

Waazukaa 12:12

Ka tonton, ay izʼaroo, hawgay nda woo kaŋ ga kaa, boro ga hin ka citaabu boobo hantum kaŋ si ben, cawyan boobo manʼti kala gaaham farandiyan.

Waazukaa 2:23

Nga zaarey kul manʼti kala farayan, a si duu nafa kul nga goyoo ra nda manʼti dooray. Ba cijin here binoo si kani. Woo mo sii nda addalil.

Waazukaa 2:26

Zama boro kaŋ ga kan a se, a gʼa noo lakkal, nda bayray, nda ɲaali, amma zunubante, a gʼa hugandi a ma goy ka marga, kʼa jisi boraa se kaŋ ga kan Irkoy se. Woo mo sii nda addalil sanda hew gaarandiyan.

Waazukaa 3:10

Ay dii taabiyanoo kaŋ Irkoy gʼa daŋ adamizey ga kʼi farandi.

Waazukaa 3:11

Irkoy na haya kul tee ka boori nga waatoo ra. A na lakkal mo kaŋ gʼa hongandi kaŋ duumiyan ga bara daŋ adamize binoo ra , ka gar adamize si hin ka faham takaa se kaŋ nda Irkoy ga goy kʼa dii za šintinoo ga hala benantaa ga.

Waazukaa 4:4

Ay dii mo kaŋ boro ga nga boŋ farandi ka goy, ka goy ka boori, ka gar nga cinaa ga a ga canse. Woo mo sii nda addalil sanda hew gaarandiyan.

Waazukaa 4:8

kaŋ ti boro kaŋ nga foo no, a sii nda boro, a sii nda arma wala izʼaru, amma woo kul, a si fay nda ka goy. A si wasa alman ra, ba nda a ga nga boŋ hãa ka nee: «May sabbu se ay ga goy kʼay boŋ farandi takaa woo?» Woo mo sii nda addalil, goy yaamu no.

Waazukaa 7:25

Ay yee kʼay boŋ gaabi ka bay, ka dii, ka lakkal nda haya kaŋ ga boori ceeci, ka bay kaŋ borofututaray ti saamataray, saamataray manʼti kala hollay.

Waazukaa 8:9

Ay dii woo kul ka miile goyey kul ga kaŋ ga tee waynaa cire. Waati ga tee kaŋ adamize ga nga hinoo zurandi adamizey ga kʼi bonandi.

Timote bataga 1na 4:15

Huga nda hayey wey, ni kul noo goyoo se, nga ra ni koyjineyanoo ga henan borey kul se.