Timote bataga 1na 2:8 - Songhai de Gao Bible

⁸ Adiši ay ga baa arey ma Irkoy ŋaaray nongu kul ra ka ngi kabe henanantey jer bila futay bila kakaw.

Timote bataga 1na 2:8 ပူးပေါင်းရင်းမြစ်များ

Kokoyey 1na 3:11

Woo ga, Irkoy nee a se: «Haya kaŋ se woo no nʼnʼa wiri, mana aloomur ceeci, wala alman, wala ni iberey ma buu, amma lakkal no ni ceeci, hala ma duu ka juwal nda šerretaray,

Ayuba 16:17

Ka gar ay kabey mana ifutu tee, ay Irkoy ŋaarayroo ga henan.

Zaburey 134:2

Wa war kabey jer nongu henanantaa ra ka albarka daŋ Abadantaa se!

Zaburey 141:2

Yala ay ŋaarayroo ma tee ma ne sanda dugu, de ay kabey jeryanoo ma tee ma ne alaasaroo taasu sargaroo.

Zaburey 24:4

Kala a ma tee boro kaŋ kabey ga henan, binoo ga kaaray, a si nga hundoo noo taari se, de mo a si žee ka darga.

Zaburey 26:6

Ay gʼay kabey ɲumay kʼay henanyanoo cebe, ay ga ni sargari tonadogoo kuubi kʼa bere, Abadantaa,

Zaburey 28:2

Haŋajer ay suurandiyaney se waati kaŋ ay ga kaati ka faaba ceeci ni ga, waati kaŋ ay gʼay kabey jer ni nongu henanantaa gundoo ra.

Zaburey 35:13

Waati kaŋ i wirci, ay ga saaku kasa daŋ ay ga, ay nʼay boŋ dii, ay meehaw, ay si fay nda ka Irkoy ŋaaray ay binoo ra.

Zaburey 63:4

Zama ni borohennataraa bisa hunayan, ay miɲoo ga ni saaburoo har.

Zaburey 66:18

Nda a gar ya nka doo tee ifutu se ay binoo ra ay Koyoo si maa ya ne.

Yaasawey 15:8

Abadantaa ga konna boro futawey sargaroo, boro šerrantey ŋaarayroo ga kan a se.

Yaasawey 21:27

Boro futu sargaroo manʼti kala almuhal, soko nda a nʼa noo nda bine laala.

Matiyu 21:21

Isa nʼi zaabi ka nee i se: «Cimoo ne kaŋ ay gʼa har war se, nda war ga naanay, war si šikka, war ga hayaa tee kaŋ teendi jeejayɲaŋoo se, koyne mo ba tondi hondoo woo, nda war nee a se: ‹Hun ne ma ni boŋ warra teekoo ra›, a ga tee.

Matiyu 5:44

Amma agay, ay ga war bayrandi, wa baa war iberey, wa Irkoy ŋaaray wey kaŋ ga war gurzugay se,

Matiyu 6:12

Ir alhakey yaafa ir se, sanda takaa kaŋ nda ir, ir ga yaafa borey se kaŋ nʼir tooɲe.

Luka 23:34

[Isa nee: «Baaba Irkoy, yaafa i se, zama i si hayaa bay kaŋ ngi goo mʼa tee.»] I na alkurra kar ka Isa bankaarawey zamna cere game.

Luka 24:50

Isa na borey ka koy taray hala Betani koyraa here. A na nga kabey jer ka gaara i se.

Yehiya 4:21

Isa nee a se: «Woyoo, naanay agay, waatoo ga kaa kaŋ ra manʼti tondi hondoo woo boŋ wala Žerizalem no war ga sujudu Baabaa Irkoy se.

Teegoyey 10:2

Ganakaw cimoo no, a ga hunbur Irkoy, nga nda nga hugoo kul, a ga hanse ka sarga jamaa ga, a ga Irkoy ŋaaray waati kul.

Teegoyey 10:31

A nee: ‹Kornay, ni ŋaarayroo taandi, Irkoy hongu ni sargarey.

Teegoyey 10:4

A na nga moɲey kanji a ga, a hunbur, de a nee a se: «Macin no, ay koyoo?» A nee a se: «Ni ŋaarayrey nda ni sargarey žigi Irkoy do, a hongu ey.

Teegoyey 21:5

Waatoo kaŋ jirbi iyyaa timme, ir na fondaa zaa, i kul nʼir dum, ngi woyey nda zankey ka koy hala koyraa dumaa ga, ir sonbu ir kanjey ga haroo miɲoo ga ka Irkoy ŋaaray.

Teegoyey 7:60

A sonbu kanjey ga ka jinde jer ka kaati ka nee: «Ay Koyoo, masi zunuboo woo dii i se.» Kaŋ a na woo har, a faati.

Korent borey bataga 1na 1:2

ka batagaa woo sanba Irkoy Egilizoo se kaŋ goo Korent koyraa ra, borey kaŋ jisandi jere ga Irkoy se Almasihu Isa albarkaa ra. I ciyandi ka tee Irkoy boro henananteyaŋ, ngi nda borey kul kaŋ nongu kul kaŋ ra no i gʼir Koyoo Isa Almasihu maaɲoo cee. Nga ti ngi nda ir Koyoo.

Korent borey bataga 1na 7:7

Ay si baa kala borey kul ma tee ay cine, amma boro foo kul goo nda nga boŋ anneemaa nooyanoo kaŋ Irkoy nʼa noo a se, affoo ga tee takaa woo, affoo mo ga tee takaa woo.

Korent borey bataga 2to 2:14

Albarka ma bara Irkoy se kaŋ waati kul a gʼir hangandi Almasihu bande hayey kaŋ a hin ey ra, de mo ir no a nʼir daŋ ir ma Almasihu bayrandi nongoo kul ra, sanda turaari hew kaŋ ga say nongoo kul ra,

Filipi borey batagaa 1:12

Agʼarmey, ay ga baa war ma bay kaŋ hayey kaŋ duu agay, i nka teendi hala Alhabar Boryaa ma koy nda jine

Tesalonik borey bataga 1na 1:8

Zama ir Koyoo meešennoo mana hun kala war do jina ka harandi, manʼti Masedoni nda Akay hinne se a harandi, amma naanaa kaŋ war nʼa daŋ Irkoy ra alhabaroo ga harandi nongu kul ra. Woo ra a si too ir ma haya kul har.

Timote bataga 1na 5:14

Adiši, ay ga baa woy soogey kaŋ kurɲey buu ma hiiji. I ma duu zankayaŋ, i ma ngi hugey juwal, i masi iberoo noo fondo kul a ma haya futu har,

Tit batagaa 3:8

Šennoo woo, šenni hakiikante no, ay ga baa ma hayey wey gaabandi borey ga hala wey kaŋ naanay Irkoy, ma bara jine teegoy henna teeyan ra: woo ti haya kaŋ ga boori a ga adamizey nafa.

Eberewey batagaa 10:22

Ir ma man Irkoy nda bine kaaray nda naanay timmante, ir ma duu bineyaŋ kaŋ henan ka mooru ifutu kaŋ ir bay ir lakkaley ra kaŋ ir nʼa tee nda gaaham kaŋ ɲumay nda hari henanante.

Žak batagaa 4:8

Wa man Irkoy, a ga man war. Zunubantey, wa war kabey ɲumay, lakkal hinka-hinkakoyney, wa war biney henanandi.

Piyer bataga 1na 3:7

Takaa din da, war mo kaŋ ti kurɲey, war ma war wandey dii nda lakkal, woy takaa ga hima nda haya kaŋ ga yalaafu nda war wanoo. Wʼi beerandi, zama ngi mo ga hunaroo anneemaa tubu, hala war ŋaarayrey, haya kul masi huru ngi nda Irkoy game.