Teegoyey 7:42 - Songhai de Gao Bible

⁴² Irkoy na banda bere i se kʼi taŋ i ma hayey kaŋ goo beenaa ra gana sanda takaa kaŋ nda a hantumandi annabey citaaboo ra ka nee: ‹Manʼti agay se war na alman koosu ka sargari kaa jiiri woytaaci (40) saajoo ra wala, Izirayel hugoo borey?

Teegoyey 7:42 ပူးပေါင်းရင်းမြစ်များ

Kokoyey 2to 17:16

I na Abadantaa, ngi Koyoo yaamarey kul naŋ. I na guuru mennandi kʼa tee tooru yagaw hinka, i na Ašera bundu tooru kayandi, i ga sujudu beenaa hayey kul kaŋ ti waynaa, nda handoo, nda handarawey se, i na tooroo kaŋ se i ga nee Bal gana.

Kokoyey 2to 21:3

A yee ka tooru ganadogey kayandi kaŋ nga baabaa Ezekiyas nʼi derandi, a na sargari tonadooyaŋ tee Bal se, a na Ašera bundu tooru tee, sanda takaa kaŋ Izirayel kokoyoo Akab nʼa tee, a ga sujudu beenaa hayey kul se kʼi gana.

Zaburey 95:10

Jiiri woytaaci (40) kaŋ zamanoo woo borey si kan ya ne, ay nee: «Jama no kaŋ biney dere, i sʼay fondawey bay.»

Yehiya 6:45

A hantumandi annabey citaabey ra ka nee: ‹Irkoy gʼi kul cawandi.› Takaa din da, boro kul kaŋ maa Baabaa Irkoy se ka hayey kaŋ a gʼi cawandi dii, ga kaa ay do.

Teegoyey 13:40

Wa hawgay hayaa kaŋ harandi annabey citaabey ra masi duu war.

Teegoyey 7:36

Nga no kʼi fattandi ka kayfiyaŋ nda tammaasayaŋ tee Misira gandaa ra, nda teeko Hari Ciraa ra, nda saajoo ra jiiri woytaaci (40).

Alhukumoo 17:3

ka koy tanayaŋ gana ka sujudu i se, wala waynaa jine, wala handoo, wala haya kul kaŋ goo beenaa ra, haya kaŋ manʼti woo kaŋ ay nʼa har,

Alhukumoo 4:19

Masi ni moɲey jer beene ka waynaa guna, wala handoo, wala handarawey, wala haya kul kaŋ goo beenaa ra. Masi naŋ ma sujudu i se kʼi gana, hayey wey, Abadantaa, ni Koyoo nkʼi noo dumey kul kaŋ goo nongu kul kaŋ no aduɲɲa ra.

Eberewey batagaa 3:9

kaŋ ra war baabey nʼay sii kʼay guna, i dii ay teegoyey

Žozuwe 24:20

Waati kaŋ war na Abadantaa naŋ ka koy waaniyaŋ gana, a ga bere ka ifutu tee war se ka war tuusu, ihennaa kaŋ a nʼa tee war se banda ga.»