Teegoyey 7:36 - Songhai de Gao Bible

³⁶ Nga no kʼi fattandi ka kayfiyaŋ nda tammaasayaŋ tee Misira gandaa ra, nda teeko Hari Ciraa ra, nda saajoo ra jiiri woytaaci (40).

Teegoyey 7:36 ပူးပေါင်းရင်းမြစ်များ

Nehemi 9:10

Nʼna tammaasayaŋ nda kayfiyaŋ tee, ka Firawuuna nda nga borey gande, nda nga gandaa jamaa kul, zama nʼga kabekunafutaa bay kaŋ i nʼa tee ir hayragey se. Nʼna ni maaɲoo kaataray, woo se a ga bara hala hõ.

Zaburey 95:10

Jiiri woytaaci (40) kaŋ zamanoo woo borey si kan ya ne, ay nee: «Jama no kaŋ biney dere, i sʼay fondawey bay.»

Zaburey 95:8

war masi war biney šendandi sanda takaa kaŋ nda a teendi Meriba, sanda takaa kaŋ nda a teendi Masa zaaroo hane saajoo ra

Fattaroo 12:41

Jiiri zangu taaci nda waranzaa (430) benantaa ga, zaaroo din hunday no Abadantaa jamaa kul fatta Misira gandaa ra.

Fattaroo 14:21

Musa na nga kaboo šerre teekoo ga, Abadantaa na dandi hew beeri foo tunandi cijinoo kul ka teekoo kogandi, haroo fersi.

Fattaroo 16:35

Izirayel borey na manoo ŋaa jiiri woytaaci (40) hala i ga too gandaa kaŋ ra boro goo. I na manoo ŋaa hala waatoo kaŋ i too Kanaŋ gandaa šintinoo ga.

Fattaroo 3:20

Ay gʼay kaboo šerre ka Misira kar nda kayfey kul kaŋ ay gʼi tee i game. Woo banda ga, a ga war naŋ war ma koy.

Fattaroo 33:1

Abadantaa šelaŋ Musa se ka nee: «Hun ne, ni nda jamaa kaŋ nʼnʼi žigandi ka hun Misira gandaa ra, žigi ka koy gandaa ra kaŋ ay nʼa žee Ibirahima, nda Isiyaka, nda Yakuba se ka nee: ‹Ay gʼa noo ni hayroo se.›

Yehiya 4:48

Isa nee a se: «Nda war mana dii tammaasayaŋ nda kayfiyaŋ, šikka sii war si naanay.»

Teegoyey 13:18

Jiiri woytaaci (40) cine a gʼi suuri saajoo ra.

Teegoyey 7:42

Irkoy na banda bere i se kʼi taŋ i ma hayey kaŋ goo beenaa ra gana sanda takaa kaŋ nda a hantumandi annabey citaaboo ra ka nee: ‹Manʼti agay se war na alman koosu ka sargari kaa jiiri woytaaci (40) saajoo ra wala, Izirayel hugoo borey?

Alhukumoo 8:4

Jiiri woytaacaa (40) woo ra, ni bankaaraa mana žen ni jindoo ra, ni cewey mo mana funsu.

Eberewey batagaa 3:8

war masi war biney šendandi sanda tureyanoo waati, siiyanoo zaaroo hane saajoo

Eberewey batagaa 3:9

kaŋ ra war baabey nʼay sii kʼay guna, i dii ay teegoyey

Eberewey batagaa 8:9

A si tee sanda amaanaa dumoo kaŋ huru agay nda ngi baabey game waatoo kaŋ ay nʼi dii nda kabey kʼi ka fatta Misira gandaa ra. I mana amaanaa din dii, woo maaganda se agay mo nʼi naŋ. War Koyoo kʼa har.