Teegoyey 3:24 - Songhai de Gao Bible

²⁴ De mo annabey kul, za Samiyel hala wey kaŋ kaa ka šelaŋ dumaa ga, i kul na zaarey wey bayrandi.

Teegoyey 3:24 ပူးပေါင်းရင်းမြစ်များ

Zaburey 99:6

Musa nda Haruna kaŋ goo nga sargari juwalkey ra, Samiyel kaŋ goo borey ra kaŋ ga maaɲoo cee, i na Abadantaa cee, a nʼi zaabi.

Luka 24:27

A šintin nda Musa citaaboo ka koy annabey waney kul ga kʼi fahamandi hayey kaŋ hantumandi nga ga Irkoy citaaboo kul ra.

Teegoyey 13:20

jiiri zangu taaci nda woyguu (450) cine. Woo banda ga, a nʼi noo alkaaliyaŋ hala annabi Samiyel waatoo ga.

Teegoyey 17:3

A nʼi fahamandi ka cebe i se kaŋ kala Almasihu ma zarabi, a ma tun bukawey ra. A nee i se: «Isa woo kaŋ ay goo mʼa har war se, nga ti Almasihu.»

Teegoyey 26:23

kaŋ a nka tilasu Almasihu ma zarabi, nga ti boro jinaa kaŋ ga tun bukawey ra, a ga hima ka gaayoo har ir jamaa nda dumi waaniyaŋ se.»

Teegoyey 3:19

Wa tuubi ka bere hala war zunubey ma tuusandi.

Teegoyey 3:21

Nga kaŋ a nka tilasu a ma cindi beenaa ra hala waati kaŋ hayey kul taagandi koyne kaŋ Irkoy nʼa har za alwaatey kul ra nda annabi henanantey miɲey, ma tabati.

Rom borey batagaa 3:21

Sohõ Irkoy na takaa cebe kaŋ nda nga ga boro dii boro šerrante bila ašariyaa. Ašariyaa nda annabey ga seedetaray tee a ga.

Samiyel 1na 2:18

Samiyel ga goy Abadantaa jine. Zanka no, leŋ beene kaayi-ize goo a ga.

Samiyel 1na 3:1

Aru soogaa Samiyel ga goy Abadantaa se Eli jere. Alwaatoo din, Abadantaa si hanse ka šelaŋ borey do, bangayyaney si boobo.

Samiyel 1na 3:20

Takaa woo ra Izirayel gandaa kul, za Dan hala Ber-Šeba bay kaŋ cimi no, Samiyel nka tee Abadantaa annabi.