Teegoyey 27:43 - Songhai de Gao Bible

⁴³ Amma jalakoynoo baa nga ma Pol hallasi, a nʼi ganji i ma hayaa tee kaŋ i nʼa kayandi. A na yaamar noo kaŋ borey kaŋ ga wan ziiyan ma jin ka doo haroo ra ka guraa ceeci.

Teegoyey 27:43 ပူးပေါင်းရင်းမြစ်များ

Yaasawey 16:7

Nda Abadantaa yadda boro fondawey ga, a ga kate ba nga iberey ma waafaku nda a.

Teegoyey 23:10

Kakaa beeri ka tonton, sooje boŋkoyni beeroo hunbur i ma Pol dunbu-dunbu, a na soojey margaroo yaamar, i ma zunbu kʼa kaa gamey ra kʼa ka koy soojey hugoo ra.

Teegoyey 23:24

War ma kaarumayyaŋ soolu, nga ra war ga Pol žigandi a boŋ kʼa ka koy bila albasi Feliks do kaŋ ti goforneroo.»

Teegoyey 27:11

Amma jalakoynoo ga haŋajer hiyoo zurandikaa nda hiyoo jineboraa se ka bisa hayaa kaŋ Pol gʼa har.

Teegoyey 27:3

Subaa ra, ir fandi Sidoŋ. Žiliyus na taka henna tee Pol se, a naŋ Pol ma koy cerey do i ma huga nda a.

Teegoyey 27:31

Pol nee jalakoynoo nda soojey se: «Nda borey wey mana cindi hiyoo ra, war, war si hin ka hallasi.»

Teegoyey 27:42

Soojey kayandi kaŋ ngi ma kasa-izey wii hala affoo masi koy zii ka zuru.

Korent borey bataga 2to 11:25

Cee hinza ay barzandi, cee foo ay warrandi nda tondi hala ya duu ka buu, cee hinza harihii nʼay mun, ay na zaari foo nda cijin foo tee teekoo ra.