Teegoyey 21:13 - Songhai de Gao Bible

¹³ Amma Pol zaabi ka nee: «Macin se war ga hẽe kʼay binoo hasara? Zama agay, ay soolu ya hawandi, manʼti ya hawandi hinne, amma ya buu mo Žerizalem ir Koyoo Isa maaɲoo maaganda se.»

Teegoyey 21:13 ပူးပေါင်းရင်းမြစ်များ

Taarikey 1na 11:18

Wongaari hinzaa din koy huru Filisti borey kaloo ra nda gaabi ka hari gur Betelehem koyraa miɲoo dayoo ga ka kate a Dawda se. Amma Dawda mana yadda kʼa haŋ. A nʼa mun ganda kʼa kaa sargari hari-hari Abadantaa se.

Yunusa 1:6

Harihiyoo jineboraa nʼa gar jirboo ra. A nʼa tunandi kʼa hãa ka nee: «Taka foo nda nʼga jirbi? Tun ka ni koyoo ŋaaray! A ga hin ka tee ni koyoo ma hinna ir ga, de ir masi halaci.»

Teegoyey 20:24

Amma ay hunaroo si tee ya ne baffoo, ya hin kʼay diraa de benandi nda goyoo kaŋ ay duu a ir Koyoo Isa Almasihu ga, ka Irkoy anneemaa Alhabar Boryaa seedetaraa tee.

Teegoyey 20:37

Borey kul hẽe, i hẽe, i gum Pol jindoo ga kʼa summu.

Teegoyey 5:41

I hun hoyraykey margaroo jine nda ɲaali haya kaŋ se ngi ciitandi ka kaynandi Isa maaɲoo se.

Teegoyey 9:16

Agay, ay ga zaraboo kul cebe a se kaŋ ga duu a ay maaɲoo se.»

Korent borey bataga 1na 15:31

[Agʼarmey,] zaari kul ay goo buuyan mee ga. Addaliloo kaŋ kate ya woo har manʼti kala war nda ay ga fooma Almasihu Isa ir Koyoo albarkaa ra.

Filipi borey batagaa 2:17

Ba nda ay tee sanda haya hari-hari ka munandi ka tee sargari hari-hari kaŋ ga doori sargaroo boŋ kaŋ ti war naanaa goyoo, a ga tee ya ne ɲaali, ay ga ɲaali war kul bande.

Filipi borey batagaa 2:26

A ga hanse ka faaji war se, binoo maray kaŋ a maa kaŋ war maa nga wircoo.

Kolos borey batagaa 1:24

Sohõ ay ga ɲaali zarabey ra war maaganda se. Hayey kaŋ cindi Almasihu zarabey ra nga kunturoo se kaŋ ti Egilizoo, ay gʼi timmandi ay gaahamoo ra.

Timote bataga 2to 1:4

Ay ga honga ni mundawey, ay ga hanse ka baa ya dii ni hala ya too nda ɲaali.

Timote bataga 2to 4:6

Agay woo, ay goo ma tee sanda haya hari-hari ka munandi ka tee sargari hari-hari, ay koyyanoo waatoo too.

Piyer bataga 2to 1:14

Ay ga bay kaŋ ne nda kayna ay ga hukkumoo woo kaŋ ti ay gaahamoo naŋ nda takaa kaŋ nda ir Koyoo Isa Almasihu hunday nʼa bayrandi ya ne.

Bangandiroo 12:11

Ngi, i hin a Feeji-izoo kuroo albarkaa ra, nda ngi seedetaraa šennoo maaganda. I na ngi hundoo fur kʼa noo buuyan se.

Bangandiroo 3:10

Zama yaamaroo kaŋ ay nʼa noo ma ne muɲeyan here, nʼnʼa dii. Agay mo ga ni dii siiyanoo waatoo ga kaŋ ga kaa aduɲɲa kul ga, ka laboo gorokey sii.

Samiyel 1na 1:8

Elkana, nga kurɲoo ga nee a se: «Anna, macin se nʼga hẽe? Macin se nʼsi ŋaa? Macin se ni binoo ga maray? Ya nka mana bisa ma ne izʼaru woy (10) wala?»

Samiyel 1na 15:14

Samiyel nee: «Macin ti alman buuna hẽenoo woo nda alman beeri booroyanoo woo kaŋ ay haŋawey ga maarʼey?»