Teegoyey 20:1 - Songhai de Gao Bible

¹ Waatoo kaŋ tureyanoo ben, Pol ciya kate taalibey se i ma kaa, a nʼi hoyray. Woo banda ga, a nʼi hoy baani ka hun no din ka koy Masedoni.

Teegoyey 20:1 ပူးပေါင်းရင်းမြစ်များ

Šintinoo 48:10

Žeenayyanoo na Izirayel moɲey kokoorandi hala nongu kaŋ ra a si dii koyne. A nʼi manandi a ga. Yakuba nʼi summu, a nʼi naagu nga gandoo ra.

Teegoyey 11:26

A duu a, a kate a Antiyoš. Ngi boro hinkaa na haya tee kaŋ ga too jiiri foo timmante i ga marga ka Egilizoo jamaa boobo cawandi. Cee jinaa kaŋ i na taalibey cee nda kretiyeŋ manʼti kala Antiyoš.

Teegoyey 16:12

Ir hun no din ka koy Filipi kaŋ ti Masedoni zamna beeri koyra jinaa, Rom borey laamaa ra a goo. Ir na zaariyaŋ tee koyraa din ra.

Teegoyey 16:9

Pol dii cijinoo ra bangayyan kaŋ ra Masedoni gandaa aru foo ga kay ka nga ŋaaray ka nee: «Bisa ka kaa Masedoni kʼir faaba.»

Teegoyey 19:21

Kaŋ wey teendi ka ben, Pol kayandi nga lakkaloo ra nga ma bisa Masedoni nda Akay gandaa ra ka koy Žerizalem. A nee: «Nda ay koy no din, a nka tilasu ya koy dii Rom mo.»

Teegoyey 20:10

Pol zunbu ganda, a na nga boŋ warra a ga kʼa dii nga gandoo ra ka nee: «War lakkaley masi tun, nga hundoo goo a ra.»

Teegoyey 20:2

A bisa nda laamawey din ka taalibey hoyray nda šenni booboyaŋ. Woo banda ga, a koy Gres gandaa ra.

Teegoyey 20:3

A na handu hinza tee no din. A baa nga ma harihii zaa ka koy Siiri gandaa ra, amma waatoo kaŋ Alyahuudey anniyafutay a ga, a kayandi nga ma yee nda Masedoni here.

Teegoyey 20:37

Borey kul hẽe, i hẽe, i gum Pol jindoo ga kʼa summu.

Rom borey batagaa 15:19

a nʼa tee nda tammaasawey nda kayfey gaaboo, a nʼa tee nda Irkoy Hundoo gaaboo. Takaa woo nda za Žerizalem koyraa nda nga kuubi-ka-beraa hala Iliri gandaa ra, ay na Almasihu Alhabar Boryaa har ka timme.

Rom borey batagaa 16:16

Wa cere foo nda summuyan henanante. Almasihu Egilizey kul ga war foo.

Korent borey bataga 1na 16:20

Ir armey kul ga war foo. Wa cere foo nda summuyan henanante.

Korent borey bataga 1na 16:5

Ay ga naaru ka Masedoni gandaa kottu ka koy war do, zama ay ga bisa nda no din.

Korent borey bataga 2to 13:12

Wa cere foo nda summuyan henanante. Irkoy boro henanantey kul ga war foo.

Korent borey bataga 2to 7:5

Nda cimi, waatoo kaŋ ir too Masedoni, ir mana duu hunanzamay, ir biney maray nongu kul here, tarayhere wongu, kunehere hunburay.

Tesalonik borey bataga 1na 5:26

Wa ir armey kul foo nda summuyan henanante.

Timote bataga 1na 1:3

Cindi Efez koyraa ra sanda takaa kaŋ nda ay nʼa wiri ni ga waatoo kaŋ ay koy Masedoni gandaa ra hala ma boroyaŋ yaamar i masi haya tanayaŋ cawandi.