Teegoyey 2:33 - Songhai de Gao Bible

³³ A jerandi ka koy Irkoy kabe gumaa ga, a duu Baabaa Irkoy ga Hundi Henanantaa kaŋ a na nga allaahidoo zaa a se. A na hayaa kaŋ war, war ga dii a, war ga maarʼa doori ir boŋ.

Teegoyey 2:33 ပူးပေါင်းရင်းမြစ်များ

Zaburey 118:16

Abadantaa kabe gumaa jerandi! Abadantaa kabe gumaa ga haya beeriyaŋ tee.

Zaburey 89:19

Zama ir koraa sii kala Abadantaa kone, Izirayel Koy Henanantaa wane nda ir kokoyoo.

Zaburey 89:24

Ay ga nga torrokey motti a jine, ay ga borey kar kaŋ ga konna a.

Matiyu 28:18

Isa man ey, a šelaŋ i se ka nee: «Hini timmante nondi ya ne beenaa nda laboo ga.

Marku 16:19

Kaŋ ir Koyoo Isa šelaŋ i se ka ben, a zandi ka koy beenaa ra, a goro Irkoy kabe gumaa here.

Luka 24:49

Nga ne, woo kaŋ ay Baabaa Irkoy nee nga gʼa noo, agay, ay gʼa sanba war se. Amma war, war ma cindi koyraa woo ra hala Irkoy beene hinoo ma zunbu war ga.»

Yehiya 14:16

De agay, ay ga Baabaa Irkoy ŋaaray a ma war noo Faabakaw tana hala a ma cindi war bande abada.

Yehiya 14:26

Faabakaa kaŋ ti Hundi Henanantaa kaŋ Baabaa Irkoy gʼa sanba ay maaɲoo ga, nga, a ga haya kul cawandi war se. A ga war hongandi haya kul kaŋ [agay,] ay nʼa har war se.

Yehiya 15:26

Waati kaŋ Faabakaa kaa kaŋ ay gʼa sanba war se ka hun Baabaa Irkoy do, nga ti Hundi cimikoynoo kaŋ ga hun Baabaa Irkoy do, a ga seedetaray tee ay ga.

Yehiya 17:5

Sohõ ni, Baaba Irkoy, ay daržandi ni hunday jeroo ga nda daržaa kaŋ cindi ya ne ni jere za aduɲɲa mana tee.»

Teegoyey 1:4

Waatoo kaŋ nga nda ey goo ma goro, a nʼi yaamar ka nee: «War masi mooru Žerizalem, war ma woo kaŋ Baabaa Irkoy nee nga gʼa noo batu, woo kaŋ war maarʼa ay miɲoo ra.

Teegoyey 10:45

Ganakey kaŋ hurubangu, borey kul kaŋ kaa Piyer bande boŋey haw nda kaŋ nooyanoo kaŋ ti Hundi Henanantaa doorandi dumiyaŋ mo boŋ kaŋ manʼti Alyahuudu.

Teegoyey 2:17

‹Zaari korawey ra, Irkoy nee: “Ay gʼay Hundoo doori borey kul ga, war izʼarey nda war ize woyey ga annabitaray tee, war soogey ga dii bangandiyaŋ, war boro žeeney ga handiri.

Teegoyey 5:31

Nga, Irkoy nʼa jer kʼa tee Koy nda Hallasikaw nga gaaboo ra ka Izirayel noo fondo a ma tuubi, a ma duu zunubu yaafaa.

Rom borey batagaa 5:5

Naataa woo si boro haawandi abada, zama Irkoy bajoo doorandi ir biney ra Hundi Henanantaa albarkaa ra kaŋ nondi ir se.

Galati borey batagaa 3:14

Woo teendi hala Ibirahima albarkaa, dumey kaŋ manʼti Alyahuudu ma duu a Almasihu Isa bande hala ir ma duu naanaa ra Irkoy Hundoo kaŋ allaahidoo zandi.

Efez borey batagaa 1:13

Almasihu albarkaa ra war mo, war maa cimoo šennoo kaŋ ti Alhabar Boryaa kaŋ na war hallasi. War naanay a, woo banda ga, tammaasaa kaŋ allaahidoo zandi kaŋ ti Hundi Henanantaa huru war ga.

Efez borey batagaa 4:8

Woo se a harandi Citaaboo ra ka nee: «Kaŋ a žigi ka koy beene, a kate baɲɲayaŋ nga bande, a na gomniyaŋ tee adamizey se.»

Tit batagaa 3:6

Hundoo woo, a hanse kʼa doori ir boŋ gumo Isa Almasihu ir Hallasikaa albarkaa ra.

Eberewey batagaa 10:12

Amma Almasihu na sargari folloku kaa kaŋ ga zunubu yaafa, woo banda ga, a goro Irkoy kabe gumaa ga hala abada.

Eberewey batagaa 2:9

Amma ir ga dii Isa, waati kayna ra almalaykey bisa a hala Irkoy albarkaa ra a ma buuyan taba adamizey kul se, sohõ ir dii kaŋ darža nda beeray kokoy fuula goo boŋoo ra buuyanoo zaraboo kaŋ a nʼa zaa maaganda se.

Piyer bataga 1na 1:21

Nga albarkaa ra war naanay Irkoy kaŋ nʼa tunandi bukawey ra kʼa noo darža taka kaŋ ra war naanaa nda war naataa ma bara Irkoy ra.

Piyer bataga 1na 3:22

a koy beenaa ra, a goo Irkoy kabe gumaa ga, almalaykey, nda hiney, nda gaabey na ngi boŋ yeeti a se ganda.