Teegoyey 17:34 - Songhai de Gao Bible

³⁴ Amma boro fooyaŋ denji a ga, i naanay. Denis, Aropažoo hoyraykey margaroo boro foo, nda woy foo kaŋ maaɲoo ti Damaris goo borey ra, nda boro tanayaŋ mo.

Teegoyey 17:34 ပူးပေါင်းရင်းမြစ်များ

Matiyu 20:16

Takaa woo no, ikokorantey ga tee ijinawey, de ijinawey ga tee ikokorantey.»

Teegoyey 13:48

Waatoo kaŋ borey kaŋ hun dumiyaŋ ra kaŋ manʼti Alyahuudu maa woo, i ɲaali, i nʼir Koyoo meešennoo beerandi. Borey kul naanay kaŋ ga hima ka duu hunayan abadantaa.

Teegoyey 17:19

I nʼa ka koy hoyraykey margaroo do kaŋ se i ga nee Aropaže, i nee: «Cawandi taagaa woo kaŋ ni goo mʼa tee, ir ga hin ka nga koroo bay wala?

Teegoyey 17:22

Pol goo Aropažoo gamoo ra, a nee: «Aten borey, ay ga dii kaŋ haya kul here war ga koyey gana,

Teegoyey 17:33

Woo ga, Pol fatta gamey ra.

Teegoyey 17:4

Boroyaŋ i ra yadda, i tonton Pol nda Silas ga, ngi, nda Grek jama beeri kaŋ ga Irkoy gana, nda woy cee-kayante booboyaŋ.

Filipi borey batagaa 4:22

Irkoy boro henanantey kul ga war foo, waaniwaani borey kaŋ goo kokoy beeroo hugoo do.