Teegoyey 17:32 - Songhai de Gao Bible

³² Kaŋ borey maa Pol šelaŋ bukawey tunyanoo ga, boroyaŋ nʼa kašikaši, affooyaŋ nee: «Han foo ir ga kaa ka haŋajer ma ne šennoo woo ga koyne.»

Teegoyey 17:32 ပူးပေါင်းရင်းမြစ်များ

Šintinoo 19:14

Lotu fatta ka koy arey kaŋ na nga ize woyey cewey dii kaŋ ti nga nzurawey do ka nee i se: «Wa tun ka hun ne, zama Abadantaa ga koyraa halaci!» Amma nga nzurawey do a mma hooray.

Taarikey 2to 36:16

Amma i na Irkoy diyawey ɲooɲo, i si Irkoy šenney daŋ assal, i ga nga annabey fude, hala nongu kaŋ ra Abadantaa futayyanoo kaŋ nga jamaa ga, faabayan sii i se koyne.

Luka 14:18

I kul šintin ka addalil noo kaŋ se ngi si hin ka kaa. Boro jinaa nee a se: ‹Faari no ay nʼa day, a tilasu ya koy dii a. Ay gʼa wiri ni ga, ma alha naŋ ya ne, ay si hin ka kaa.›

Luka 22:63

Arey kaŋ kabey ra Isa goo, i gʼa kašikaši, i gʼa kar.

Luka 23:11

Herod nda nga lakkalkey nʼa kaynandi. I nʼa ɲooɲo ka darbay nerante foo daŋ a ga kʼa yeeti Pilat do.

Luka 23:36

Soojey mo nʼa ɲooɲo ka man a ka binegar šerre a se.

Teegoyey 13:41

I nee: ‹Borey kaŋ ga boro konnay, wa guna, war boŋey ma haw, war ma dere, zama ay ga teegoy foo tee war zamanoo ra, teegoy kaŋ war si naanay a abada nda boro nʼa deede war se.›»

Teegoyey 17:18

Lakkalkoyniyaŋ kaŋ se i ga nee Epikiri nda Istoya boroyaŋ, affooyaŋ i ra šelaŋ Pol bande. Affooyaŋ nee: «Cin no albuddantaa woo ga nee?» Affooyaŋ mo nee: «A ga hima nda koy waaniyaŋ ga a ga waazu.» I na woo har, zama a ga Isa nda tunyanoo Alhabar Boryaa waazu.

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Teegoyey 17:33

Woo ga, Pol fatta gamey ra.

Teegoyey 2:13

Boro fooyaŋ ga taalibey fude ka nee: «Alaneb hari moora kaana nda i too.»

Teegoyey 24:25

Amma kaŋ Pol goo ma šelaŋ šerretaray ga, nda boŋdiiyan, nda ciitoo kaŋ goo kaa ga, Feliks hunbur, a zaabi ka nee: «Sohõ koy, waati kaŋ ay duu ay boŋ henna, ay ga ciya ma ne.»

Teegoyey 25:19

Hayaa kaŋ no manʼti kala ngi boŋ Irkoy ganayanoo ga i gʼa kakaw nda boro foo kaŋ maaɲoo ti Isa kaŋ buu, amma Pol tabatandi kaŋ a ga huna.

Teegoyey 26:8

Macin se war ga miile cere game ka nee a si hin ka tee Irkoy ma bukawey tunandi?

Korent borey bataga 1na 1:23

Ir, ir si haya waazu kala Almasihu kaŋ kanjandi. Alyahuudey se waazoo woo ga boro tuti ifutu ra. Dumey kaŋ manʼti Alyahuudu se hollay no.

Korent borey bataga 1na 15:12

Nda ir ga waazu kaŋ Almasihu tun bukawey ra, taka foo nda war affooyaŋ ga nee kaŋ bukawey tunyanoo si bara?

Korent borey bataga 1na 4:10

Ir wey ya, ir tee hollokomyaŋ Almasihu maaganda se, amma war ya, war duu lakkal Almasihu bande, ir sii nda gaabi, amma war goo nda gaabi. War duu beeray, amma ir kayna.

Korent borey bataga 2to 6:2

zama Irkoy nee: «Ay na ni ŋaarayroo taa waatoo kaŋ kan ya ne ra. Hallasiroo zaaroo hane, ay na ni faaba.» Nga ne, sohõ da ti waatoo kaŋ kan a se. Nga ne, hõ ti hallasiroo zaaroo.

Eberewey batagaa 11:36

Affooyaŋ mo i nʼi sii kʼi kašikaši, kʼi barzu, kʼi haw kʼi daŋ kasu.

Eberewey batagaa 13:13

Adiši ir ma fatta ka koy a do jamaa kaloo se taray, ir ma kaynandoo zaa sanda nga.