Teegoyey 17:11 - Songhai de Gao Bible

¹¹ Borey wey biney baa Tesalonik borey waney, i na Irkoy meešennoo dii nda anniya henna. Zaari kul i ga Citaaboo fesufesu ka dii wala hayey kaŋ ga harandi cimiyaŋ no.

Teegoyey 17:11 ပူးပေါင်းရင်းမြစ်များ

Ayuba 23:12

Ya na hibi nga miɲoo yaamarey ga, ay na nga miɲoo šenney dii ka bisa ay boŋ waney.

Zaburey 119:100

Ay goo nda fahamay ka bisa aru žeeney, zama ay ga hayey dii kʼi tee kaŋ nʼnʼi har.

Zaburey 119:148

Cijinoo waatey kul ay moɲey ga hay ka miile hayaa ga kaŋ nʼnʼa har.

Zaburey 119:97

Ay ga hanse ka baa ni ašariyaa! Zaaroo kul ay ga miile a ga.

Yaasawey 1:5

Lakkalkoynoo ma haŋajer, a ga tonton nga bayraa ga, boro kaŋ ga faham ga duu hoyray.

Yaasawey 8:10

Wʼay hoyrawey dii ka bisa nzorfu kaaray, war ma bayray dii ka bisa wura suubante.

Yaasawey 9:9

Lakkalkoyni noo hoyray, a ga duu lakkal ka tonton, boro šerrante noo bayray, nga bayraa ga tonton.

Matiyu 13:23

Labu hennaa kaŋ ra a say manʼti kala boraa kaŋ maa Šennoo, a faham. Šikka sii, a ga ize tee, affoo ize zangu (100), affoo ize woydu (60), affoo ize waranza (30).»

Luka 1:2

takaa kaŋ nda seedewey kaŋ za šintinoo ga, i maa, i dii, de i nʼi ka too ir do. Ngi no ma huga nda Irkoy meešennoo haryanoo.

Luka 11:3

Ir noo zaari kul ir meehunaa.

Luka 16:29

Ibirahima nee: ‹Musa citaaboo nda annabey waney goo i kone, i ma haŋajer i se.›

Luka 24:44

A nee i se: «Wey ti šenney kaŋ ay nʼi har war se waatoo kaŋ ay goo war game. Kala hayey kul kaŋ hantumandi ay ga Musa ašariyaa nda annabey citaabey nda Zaburey citaaboo ra ma tabati.»

Yehiya 3:21

Amma boro kaŋ ga goy nda cimi ga kaa gaayoo here hala nga teegoyey ma bangandi kaŋ i teendi nda Irkoy ibaayoo.»

Yehiya 5:39

War ga Citaaboo caw kʼa fesufesu, zama war ga hongu nga ra war ga duu hunayan abadantaa, nga no ma seedetaray tee ay ga.

Teegoyey 10:33

Dogoo din da ay na boroyaŋ sanba ni do, nʼna haya boryo tee kaŋ ni kaa. Sohõ, ir kul ne Irkoy jine ka haŋajer hayaa kul se kaŋ ir Koyoo nʼa har ma ne.»

Teegoyey 11:1

Diyawey nda ir armey kaŋ goo Žude gandaa ra maa kaŋ dumiyaŋ mo kaŋ manʼti Alyahuudu yadda Irkoy meešennoo.

Teegoyey 17:1

Kaŋ Pol nda Silas bisa nda Anfipolis nda Apoloni koyrawey, i too Tesalonik kaŋ ra Alyahuudey margahugu foo goo.

Teegoyey 2:41

Wey kaŋ yadda Piyer šennoo ga batizandi, hanoo din, boro zenber hinza (3.000) cine tonton ganakey ga.

Tesalonik borey bataga 1na 1:6

War tee ir dendenkey, war tee ir Koyoo dendenkey, takaa kul kaŋ nda war hanse ka zarabi, war yadda šennoo ga nda ɲaali kaŋ hun Hundi Henanantaa do.

Tesalonik borey bataga 1na 2:13

Hayaa kaŋ se ir mo, ir si fay nda ka albarka daŋ Irkoy se ti: waatoo kaŋ war maa Irkoy meešennoo kaŋ ir nʼa har war se, war yadda a ga. War manʼa dii sanda adamize šenni, amma war nkʼa dii sanda Irkoy meešennoo, šikka sii Irkoy meešennoo no, a ga goy mo war ra, war kaŋ ga naanay.

Tesalonik borey bataga 2to 2:10

a ga šerretaray jaŋay dumi kul tee ka halacintey darga, zama i mana yadda ka baa cimoo kaŋ gʼi hallasi.

Žak batagaa 1:21

Woo se war ma žiibi kul naŋ, nda laalay futu kul, wa Šennoo kaŋ dumandi war biney ra dii nda bineyaynay, a goo nda hini ka war hundey hallasi.

Piyer bataga 1na 2:2

Sanda zanka taanayaŋ wa hanse ka baa waa cimoo hala a ma duu ka war ka beeri hallasiroo se,