Teegoyey 10:38 - Songhai de Gao Bible

³⁸ Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Teegoyey 10:38 ပူးပေါင်းရင်းမြစ်များ

Taarikey 2to 17:9

I na Žuda borey cawandi Abadantaa ašariyaa tiiraa kaŋ goo i kone. I na Žuda koyrawey kul dira i ga jamaa cawandi.

Zaburey 2:2

Laboo kokoyey ga soolu wongu se. Boŋkoyney ga cere marga ka tee affoo Abadantaa ga nda nga suubantaa kaŋ yonandi ga.

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 45:7

Ya Irkoy, ni kokoy gorodogoo ga cindi abada hala abada, ni kokoytaraa goboo manʼti kala šerretaray gobu.

Matiyu 12:15

Isa bay hayaa kaŋ i ga baa ngi mʼa tee nga se, a mooru no din. Alžama beeri hanga a. A na wircikoyney kul noo baani.

Matiyu 12:28

Amma nda Irkoy Hundoo nda ay ga ganjey gaaray, adiši Irkoy Laamaa kaa war ga.

Matiyu 9:19

Isa tun ka hanga a, nga nda nga taalibey.

Matiyu 9:35

Isa dira koyrawey nda koyra kanbey kul bande, a ga cawandi margahugey ra, a ga Laamaa Alhabar Boryaa waazu. A ga wirci kul nda dori kul noo baani.

Marku 6:6

Isa na alaabiina nda borey wey naanay jaŋaa. Woo banda ga, a dira koyra kanbey bande kaŋ ga man no din ka cawandi.

Luka 3:22

de Hundi Henanantaa tee sanda tuuzun alhaali ka zunbu a boŋ. Jinde foo hun beenaa ra ka nee: «Ni ti agay Izʼaroo, ay baakaa, ni ti ay ɲaaloo.»

Luka 4:18

«Ir Koyoo Hundoo goo ay ga. A nʼay suuba kʼay yon hala ya kate Alhabar Boryaa misikiiney se. A nʼay sanba hala ya kasa-izey feeriyanoo har i se, ya danawey moɲey hay, ya laazaabantey feeri,

Luka 9:42

A goo ma man kaŋ ganjoo nʼa cetaw ganda kʼa guzuguzu. Amma Isa zahã ganjoo ga, a na zankaa noo baani, a nʼa yeeti baaboo ga.

Luka 9:56

Woo banda ga, i koy cere bande koyra kanbe foo ra koyne.

Yehiya 10:32

Isa na šennoo zaa ka nee i se: «Teegoy henna booboyaŋ ay nʼi cebe war se kaŋ hun ay Baabaa Irkoy do. Teegoy foo se war ga tondi kʼay warra kʼay wii?»

Yehiya 16:32

Nga ne, waatoo goo kaa, de mo waatoo kaa ka ben kaŋ ra war ga say-say, boro foo kul ga koy nga do, de war gʼay naŋ agay hinne, amma manʼti agay hinne no, zama Baabaa Irkoy goo ay bande.

Yehiya 3:2

a kaa Isa do cijin here ka nee a se: «Rabbi, ir ga bay kaŋ cawandikaw ti ni kaŋ hun Irkoy do, zama boro kul si hin ka tammaasa kayfantey wey tee kaŋ ni goo mʼi tee nda manʼti Irkoy bara a bande.»

Yehiya 3:34

Zama boraa kaŋ Irkoy nʼa sanba, Irkoy šenney no a gʼi har, zama Irkoy si nga Hundoo neeši kʼa noo.

Yehiya 6:27

War masi goy ŋaahayaa kaŋ ga mursu se, amma wa goy ŋaahayaa se kaŋ ga cindi hala hunayan abadantaa ra. Ŋaahayaa, Boro-izʼaroo gʼa noo war se, zama nga no Baabaa Irkoy nʼa tabatandi.»

Teegoyey 10:37

War, war ga hayaa bay kaŋ tee Žude kul ra, ka šintin nda Galile, batizeyanoo kaŋ Yehiya nʼa waazu banda ga:

Teegoyey 2:22

Izirayel borey, wa haŋajer šenney wey se: Isa Nazaret boraa, boraa kaŋ Irkoy yadda a ga, a na tabatandi war se nda kayfiyaŋ, nda almunkaryaŋ, nda tammaasayaŋ kaŋ Irkoy nʼa kʼa tee war game sanda takaa kaŋ nda war hunday ga bay.

Eberewey batagaa 1:9

Šerretaray no ma kan ma ne, nʼga konna ifutu. Woo se Irkoy, ni Koyoo na ni yon nda ɲaali jii, ka baa ni ka bisa ni hangasiney.»

Piyer bataga 1na 5:8

Wa hin war boŋ, war ma hanna cijin nda zaari! War yenjekasinaa, Ibilisi, ga hima nda ganjihayla kaŋ ga hẽe, a ga war kuubi ka war bere ka [boro] ceeci kaŋ nga nʼa gon.

Yehiya bataga 1na 2:20

War, war duu Irkoy Boro Henanantaa yonyanoo, war kul goo nda bayray.

Yehiya bataga 1na 3:8

Boro kaŋ na zunubu tee mana hun kala Ibilisi ga, zama za šintinoo ga Ibilisi na zunubu tee. Hayaa ne kaŋ se Irkoy Izʼaroo bangay: a mana bangay kala hala nga ma Ibilisi teegoyey halaci.