Taarikey 2to 7:3 - Songhai de Gao Bible

³ Izirayel borey kul dii nuunaa ga zunbu nda Abadantaa daržaa hugoo boŋ. I kanjezor tondi daarantey ga, i na ndumey sinji laboo ra ka sujudu ka Abadantaa beerandi ka nee: «Nda cimi, Abadantaa ga boori, nga borohennataraa si ben abada.»

Taarikey 2to 7:3 ပူးပေါင်းရင်းမြစ်များ

Kokoyey 1na 18:39

Waatoo kaŋ jamaa kul dii woo, i sujudu ka ngi ndumey sinji laboo ra ka nee: «Abadantaa ti Irkoy, Abadantaa ti Irkoy!»

Taarikey 1na 16:34

Wa Abadantaa šifa, zama a ga boori, nga borohennataraa si ben abada!

Taarikey 1na 16:41

Hemaŋ nda Yedutun goo borey din ra, ngi nda borey kaŋ suubandi ka maaɲey har, kaŋyaŋ ga cindi ka Abadantaa saabu, nga borohennataraa si ben abada!

Taarikey 1na 29:20

Dawda nee jamaa kul se: «Wa albarka daŋ Abadantaa, war Koyoo se.» Woo ga, jamaa kul na albarka daŋ Abadantaa, ngi baabey Koyoo se. I gunguma ka sujudu Abadantaa nda kokoyoo jine.

Taarikey 2to 20:18

Žozafat na nga ndumoo sinji laboo ra, de Žuda borey kul, nda Žerizalem borey kul kaŋ Abadantaa jine ka sujudu a se.

Taarikey 2to 20:21

Woo banda ga, a goro ka šelaŋ nga nda jamaa, a na doonikawyaŋ kayandi Abadantaa se kaŋ gʼa saabu nga daržaa henanyanoo se, i ga fatta wongu-izey jine, i ga nee: «Wa Abadantaa saabu, nga borohennataraa si ben abada.»

Taarikey 2to 29:28

Margaroo kul sujudu, i ga don, i ga laati beerey hẽenandi hala waatoo kaŋ sargari kukurantaa ben.

Taarikey 2to 29:29

Waatoo kaŋ i na sargari kukurantaa kaa ka ben, kokoyoo nda boro kul kaŋ goo a bande na kanjezor, i sujudu.

Taarikey 2to 29:30

Woo banda ga, kokoyoo Ezekiyas nda boŋkoyney nee Lewi borey se kaŋ i ma Abadantaa saabu nda Dawda nda gunandikaa Asaf šenney. I nʼa saabu nda ɲaali, i gunguma, de i sujudu.

Taarikey 2to 5:13

Waatoo kaŋ laati beeri karkey, nda donkey jindey marga ka tee affoo ka Abadantaa saabu ka albarka daŋ a se, i na jinde jer ka ngi laati beerey hẽenandi, nda guurey kaŋ ga kara-kara, nda hooray jinawey jerey kar ka Abadantaa saabu ka nee: «Nda cimi, Abadantaa ga boori, nga borohennataraa si ben abada!» Alwaatoo din da ra, Abadantaa hugoo too met nda duula.

Ezra 3:11

I ga Abadantaa saabu kʼa beerandi ka don cere bande ka nee: «Nda cimi Abadantaa ga boori, nga borohennataraa Izirayel here si ben abada.» Woo banda ga, jamaa ga ɲaali ka hoolo beeri tee ka Abadantaa saabu, zama Abadantaa hugoo asaasey teendi.

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 103:17

Amma Abadantaa borohennataraa goo nga hunburkey ga waati kul hala abada, nga šerretaraa goo ngi izey izey ga,

Zaburey 106:1

Aleluya! Wa Abadantaa šifa, zama a ga boori, zama nga borohennataraa si ben abada!

Zaburey 107:1

Wa Abadantaa šifa, zama a ga boori, zama nga borohennataraa si ben abada.

Zaburey 118:1

Wa Abadantaa šifa, zama a ga boori, zama nga borohennataraa si ben abada!

Zaburey 95:6

Wa kaa, ir ma sujudu, ir ma gunguma, ir mʼir kanjey sonbu Abadantaa jine kaŋ nʼir tee.

Fattaroo 4:31

Jamaa naanay. Waatoo kaŋ i maa kaŋ Abadantaa ɲeli Izirayel borey ga, a dii ngi torraa, i gunguma ka sujudu.

Sargarey 9:24

Nuune hun Abadantaa do ka sargari kukurantaa nda maaney ton sargari tonadogoo boŋ. Jamaa kul dii a, i kaati nda ɲaali, i na ngi ndumey ka sujudu.

Kabuyaney 14:5

Musa nda Haruna kaŋ laboo ra ngi boŋey ga Izirayel jamaa borey kul jine.

Kabuyaney 16:22

I kaŋ laboo ra ngi boŋey ga, i nee: «Ya Irkoy, baahunantey kul hundey Koyoo, boro folloku ka zunubu tee, woo ga, nʼga futu jamaa kul ga wala?»

Luka 1:50

Zaman ka kaa zaman, a ga hinna nga hunburkey se.