Taarikey 2to 5:13 - Songhai de Gao Bible

¹³ Waatoo kaŋ laati beeri karkey, nda donkey jindey marga ka tee affoo ka Abadantaa saabu ka albarka daŋ a se, i na jinde jer ka ngi laati beerey hẽenandi, nda guurey kaŋ ga kara-kara, nda hooray jinawey jerey kar ka Abadantaa saabu ka nee: «Nda cimi, Abadantaa ga boori, nga borohennataraa si ben abada!» Alwaatoo din da ra, Abadantaa hugoo too met nda duula.

Taarikey 2to 5:13 ပူးပေါင်းရင်းမြစ်များ

Taarikey 1na 16:4

Dawda na Lewi boroyaŋ suuba kʼi daŋ Abadantaa sundukoo goyoo ra, i ma Abadantaa, Izirayel Koyoo šifa, ka albarka tee a se, kʼa saabu.

Taarikey 2to 20:21

Woo banda ga, a goro ka šelaŋ nga nda jamaa, a na doonikawyaŋ kayandi Abadantaa se kaŋ gʼa saabu nga daržaa henanyanoo se, i ga fatta wongu-izey jine, i ga nee: «Wa Abadantaa saabu, nga borohennataraa si ben abada.»

Taarikey 2to 20:22

Waatoo kaŋ borey šintin ka kaati nda ɲaali nda dooniyaŋ, Abadantaa na zanbaguusu tee Amoŋ borey se, nda Mowab borey, nda borey kaŋ goo Seyir tondi hondey ra kaŋ kaa ka Žuda tangam, Abadantaa nʼi kar.

Taarikey 2to 7:1

Waatoo kaŋ Sulaymaana na Irkoy ŋaaray ka ben, nuune zunbu ka hun beenaa ra ka sargari kukurantaa nda sargari tanayaŋ ton, Abadantaa daržaa na hugoo too.

Taarikey 2to 7:2

Sargari juwalkey mana hin ka huru Abadantaa hugoo ra, zama Abadantaa daržaa na Abadantaa hugoo too.

Taarikey 2to 7:3

Izirayel borey kul dii nuunaa ga zunbu nda Abadantaa daržaa hugoo boŋ. I kanjezor tondi daarantey ga, i na ndumey sinji laboo ra ka sujudu ka Abadantaa beerandi ka nee: «Nda cimi, Abadantaa ga boori, nga borohennataraa si ben abada.»

Taarikey 2to 7:6

Sargari juwalkey goo ngi goydogoo ra. Lewi borey kone Abadantaa hooray jinawey goo kaŋ kokoyoo Dawda nʼi tee Abadantaa saabuyanoo se. Kalimawey ne kaŋ Dawda gʼi har waatoo kaŋ a ga hooray jinawey kar, a mma nee: «Nga kaŋ borohennataraa si ben abada.» Sargari juwalkey ga laati beeriyaŋ hẽenandi ngi tenje, Izirayel kul goo ma kay.

Ezra 3:11

I ga Abadantaa saabu kʼa beerandi ka don cere bande ka nee: «Nda cimi Abadantaa ga boori, nga borohennataraa Izirayel here si ben abada.» Woo banda ga, jamaa ga ɲaali ka hoolo beeri tee ka Abadantaa saabu, zama Abadantaa hugoo asaasey teendi.

Nehemi 12:27

Jingaroo kaŋ tee Žerizalem koyraa cetaa talfiyanoo Irkoy ga maaganda, woo se i koy nongu kul kaŋ ra Lewi borey goo kʼi cee i ma kaa Žerizalem hala ngi ma jingaroo tee ɲaali ra nda saabuyaŋ, nda dooniyaŋ, nda guuruyaŋ kaŋ ga kara-kara, nda kurbuyaŋ, nda kuntijiyaŋ.

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 106:1

Aleluya! Wa Abadantaa šifa, zama a ga boori, zama nga borohennataraa si ben abada!

Zaburey 107:1

Wa Abadantaa šifa, zama a ga boori, zama nga borohennataraa si ben abada.

Zaburey 118:1

Wa Abadantaa šifa, zama a ga boori, zama nga borohennataraa si ben abada!

Zaburey 150:3

Wʼa saabu nda hilli hẽeni, wʼa saabu nda kurbu nda kuntiji!

Zaburey 150:5

Wʼa saabu nda guuruyaŋ kaŋ ga kara-kara, wʼa saabu nda guuruyaŋ kaŋ ga kobi!

Zaburey 22:4

Ka gar, ni ti Koy henanantaa, nʼsi goro kala Izirayel borey saabuyaney game.

Zaburey 81:2

Wa kaati ka yafarhã Irkoy se, nga ti ir gaaboo, wa kaati nda ɲaali Yakuba Koyoo se!

Fattaroo 29:43

No din ra ay ga Izirayel borey kubay, ay daržaa ga hukkumoo yeeti jere ga ya ne.

Teegoyey 4:32

Jamaa borey kul kaŋ naanay tee bine foo nda anniya foo, boro kul haya kaŋ goo a se, a si nee nga wane nda a, borey ga marga hayaa kul ra.

Rom borey batagaa 15:6

hala war ma tee mee foo, nda jinde folloku, war ma Irkoy kaŋ ti ir Koyoo Isa Almasihu Baabaa beerandi.

Bangandiroo 15:8

Irkoy hugoo too nda dullu kaŋ ti Irkoy daržaa nda nga hinoo tammaasa. Boro kul si hin ka huru Irkoy hugoo ra hala waati kaŋ almalayka iyyaa balaawu iyyaa ben.