Taarikey 2to 5:12 - Songhai de Gao Bible

¹² Lewi borey kul kaŋ ti doonikawyaŋ, Asaf, nda Hemaŋ, nda Yedutun, nda ngi izʼarey, nda ngi armey, i kul, šukka baana bankaaray goo i ga, i goo sargari tonadogoo waynahunay caraa here. Guuruyaŋ kaŋ ga kara-kara, nda kurbuyaŋ, nda kuntijiyaŋ goo i kone, de mo sargari juwalkaw boro zangu nda waranka (120) kaŋ ga laati beeri kar goo jere ga.

Taarikey 2to 5:12 ပူးပေါင်းရင်းမြစ်များ

Taarikey 1na 13:8

Dawda nda Izirayel kul ga ngi sahãa kul ka hooray Irkoy jine, i ga don, i ga hooray jinayyaŋ kar kaŋ ti kuntijiyaŋ, nda kurbuyaŋ, nda dunduŋyaŋ, nda guuruyaŋ kaŋ ga kara-kara, nda laati beeriyaŋ.

Taarikey 1na 15:24

Sargari juwalkey Šebaniya, nda Žošafat, nda Netaniyel, nda Amasay, nda Zakariya, nda Benaya, nda Eliyezer no ma laati beeri kar Abadantaa sundukoo jine ka koy. Obed-Edom nda Yehiya mo ti sundukoo lakkalkawyaŋ.

Taarikey 1na 15:27

Dawda na šukka baana burmusu daŋ, nga nda Lewi borey kaŋ ga sundukoo zaa, nda donkey, nda Kenaniya kaŋ ti donkey jineboraa, ngi mo, bankaaray follokaa bara i ga. Dawda na leŋ beene kaayi-ize daŋ kaŋ ga hima nda sargari juwalkey beene kaayi.

Taarikey 1na 23:30

I ga hima ka cindi ka Abadantaa saabu ka albarka tee a se subbaahi nda alaasar.

Taarikey 1na 23:5

boro zenber taaci (4.000) ma tee hugu mee lakkalkey, boro zenber taaci (4.000) ma tee Abadantaa hooray dooni jinawey karkey kaŋ ay nʼi hanse Irkoy saabuyanoo se.»

Taarikey 1na 6:33

Lewi hayroo cindoo no ma goyey kul tee Irkoy gorodogoo ra kaŋ ti Irkoy hugoo.

Taarikey 1na 6:39

Lewi hayroo gorodogey kaŋ ti ngi koyra buuna-buunawey kaŋ nondi i se gandaa ra ne: Haruna hayroo kaŋ ti Kehat alaayan beeroo, ngi no alkurraa jin ka ngi dogey cebe.

Taarikey 2to 29:25

Kokoyoo na Lewi borey gorandi Abadantaa hugoo ra nda guuruyaŋ kaŋ ga kara-kara, nda kurbuyaŋ, nda kuntijiyaŋ ka sawa nda Dawda yaamaroo, nda kokoyoo gunandikaa Gad, nda annabi Nataŋ. Abadantaa na yaamar noo kaŋ nga annabey nʼa ka too borey do.

Taarikey 2to 29:26

Lewi borey koy ngi dogey ra, ngi nda Dawda hooray jinawey, laati beerey goo sargari juwalkey kone.

Taarikey 2to 7:6

Sargari juwalkey goo ngi goydogoo ra. Lewi borey kone Abadantaa hooray jinawey goo kaŋ kokoyoo Dawda nʼi tee Abadantaa saabuyanoo se. Kalimawey ne kaŋ Dawda gʼi har waatoo kaŋ a ga hooray jinawey kar, a mma nee: «Nga kaŋ borohennataraa si ben abada.» Sargari juwalkey ga laati beeriyaŋ hẽenandi ngi tenje, Izirayel kul goo ma kay.

Zaburey 149:3

I ma maaɲoo saabu nda gaaniyaŋ, i ma dunduŋ nda kuntiji hẽenandi a se!

Zaburey 50:1

Woo ti Asaf zabur foo. Abadantaa kaŋ ti koyey Koyoo šelaŋ ka laboo cee, za waynaa fattaroo ga hala nga kaŋyanoo ga.

Zaburey 62:1

Donkey boŋkoynoo ka woo don. Takaa kaŋ nda a ga doonoo woo don se i ga nee «Yedutun». Woo ti Dawda zabur foo.

Zaburey 68:25

I ga dii ni jamaa kaayanoo, ya Irkoy, ay Koyoo, ay kokoyoo jamaa kaayanoo nongu henanantaa ra.

Zaburey 88:1

Dooni. Woo ti Kora izey zabur foo. Donkey boŋkoynoo ka woo don. Dooni kaŋ bande laati goo. Woo ti Hemaŋ, Ezra boraa bayti dooni foo.

Zaburey 92:3

Ni borohennataraa ma harandi za subbaahi, ni laadirtaraa ma harandi cijinoo ra,

Bangandiroo 15:6

Almalayka iyyaa kaŋ kone balaawu iyyaa goo fatta Irkoy hugoo ra. Leŋ šukka alhakiika nerante goo jindey ra. Wura gamahaw goo gandey ga.

Bangandiroo 19:8

A duu fondo ka darbay šukka baana hay šenda nerante alhakiika daŋ, darbay šukka baana hay šendaa manʼti kala Irkoy boro henanantey teegoy šerrantey.»