Taarikey 2to 30:9 - Songhai de Gao Bible

⁹ Nda war yee kate Abadantaa ga, borey kaŋ na war armey nda war izey dii ka koy baɲɲataray ga tamalla i se, de i ga kaa ka willi kate gandaa woo ra, zama Abadantaa, war Koyoo ti anneemakoyoo kaŋ ga alhormo tee, nda war yee kate a ga, a si wanji war se.»

Taarikey 2to 30:9 ပူးပေါင်းရင်းမြစ်များ

Kokoyey 1na 8:50

Yaafa ni jamaa se kaŋ na zunubu tee ma ne, goy futu kul kaŋ i nʼa tee, mʼa kul yaafa i se, ma naŋ borey kaŋ nʼi tee tam ma hinna i se,

Taarikey 2to 15:2

A fatta ka Asa kubay ka nee a se: «Asa, nda Žuda borey kul, nda Benžameŋ borey, wa haŋajer ya ne! Abadantaa goo war bande nda war goo a bande. Nda war gʼa ceeci, a ga naŋ war ma duu nga, nda war nʼa fur, a ga war fur.

Taarikey 2to 7:14

nda ay jamaa kaŋ ga ay maaɲoo ga ciya na nga boŋ yeeti ganda, i nʼay ŋaaray, i na agay ndumoo ceeci, nda i yee ngi teegoy futawey se banda, agay, ay ga maa i se za beenaa kaŋ ra ay goo, ay ga ngi zunuboo yaafa, ay ga ngi gandaa noo baani.

Nehemi 9:17

I wanji ka maa, i mana hongu kayfey kaŋ nʼnʼi tee i se. I boŋšenday, ngi tureyanoo ra i na boŋkoyni tee ngi boŋ se ka willi ngi tamtaraa ra Misira. Amma ni manʼti kala Koy kaŋ ga yaafa, kaŋ ga alhormo tee, a ga tamalla, nʼsi cahã ka futu, ni borohennataraa ga beeri, manʼi naŋ.

Nehemi 9:31

Ni tamallayan beeroo ra manʼi halaci, manʼi fur, zama ni manʼti kala Koy kaŋ ga hinna a ga tamalla.

Zaburey 106:46

A na ngi tamallaa daŋ borey kul biney ra kaŋ koy nda ey tamtaraa ra.

Zaburey 111:4

A na taka tee borey ma hongu nga kayfey, Abadantaa ga alhormo tee, a ga tamalla.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 86:5

Zama ni, ay Koyoo, nʼga boori, nʼga yaafa, nʼga borohennataray beeri tee borey kul se kaŋ ga ni cee.

Yaasawey 28:13

Boro kaŋ ga nga hooyaney tugu si koy jine, boro kaŋ yadda i ga, a nʼi naŋ, ga duu hinnari.

Yunusa 4:2

A nee Abadantaa se: «Nhuu, ay Koyoo, ay na woo hongu za ay goo ay gandaa ra, nga se ay zuru ka koy hala Tarsis koyraa ra. Zama ay bay kaŋ Koy ti ni kaŋ ga alhormo tee, nʼga tamalla, nʼsi cahã ka futu. Ni cine sii gomni teekey ra, de nʼga tun ni zukandey boŋ.

Alhukumoo 30:1

«Waati kaŋ šenney wey kul tee ni ga, gaararoo nda laaliroo kaŋ ay nʼi daŋ ni jine, nda gandawey kul game kaŋ ra Abadantaa na ni gaaray, nda ni miile ni binoo ra,

Alhukumoo 4:31

Zama Abadantaa, ni Koyoo manʼti kala Koy tamallante. A si ni naŋ, a si ni halaci, a si dirɲa amaanaa kaŋ a nʼa žee ni baabey se.»