Taarikey 2to 26:10 - Songhai de Gao Bible

¹⁰ A na soorohugu kukuyaŋ cin saajoo ra ka day boobo fanši, zama a goo nda adabba boobo hondey gandaa here nda ganganoo ra, nda beerikawyaŋ, nda alaneb faari goykawyaŋ tondi hondey ra, nda Karmel koyraa here, zama a ga baa faari goyyan.

Taarikey 2to 26:10 ပူးပေါင်းရင်းမြစ်များ

Kokoyey 2to 19:23

Nʼna ni dontokey sanba ka agay, ni Koyoo wow. Ni nee: ‘Agay, Senakerib, ay žigi ay bari torkaa boŋ kʼa zurandi, ay žigi tondi hondey boŋ ka koy hala Libaŋ gandaa gundoo ra, ka nga sedere bundu kukey nda nga sipres bundu henney dunbu. Ay ga too nga ganjoo nongu koraa nda nga hawsa tefayantaa ra.

Kokoyey 2to 3:4

Feeji boobo goo Mowab kokoyoo Meša se. Feeji-ize boŋ zenber zangu (100.000) no a gʼa bana alkaasi Izirayel kokoyoo se, nda gaaru boŋ zenber zangu (100.000), ngi nda ngi haaboo.

Taarikey 2to 17:12

Žozafat mma koy de a ga tonton ka jer beene. A na wongu huguyaŋ nda koyrayaŋ kaŋ ra jinay ga fanji cin Žuda gandaa ra.

Taarikey 2to 17:13

A na jinay boobo fanji waatey kaŋ ga kaa se Žuda koyrawey ra, nda wongu-izeyaŋ, nda wongaariyaŋ Žerizalem ra.

Taarikey 2to 26:11

Oziyas goo nda wongu-izeyaŋ kaŋ ga wan wongu. Nda i ga koy wongu ra, i si koy nda kala kanandi-kanandi kaŋ kabandi ka sawa nda kabuyanoo kaŋ hantumkaa Yehiyel nda goy juwalkaa Maseya nʼa tee. Kokoyoo goykaw beeri foo kaŋ ti Hananiya ti ngi jineboraa.

Taarikey 2to 32:29

A na koyrayaŋ cin, a duu adabba buuna nda ibeeri kuryaŋ, zama Irkoy nʼa noo arzaka boobo.

Waazukaa 5:8

Nafaw no ganda se a ma duu kokoy kaŋ ga faari goy daŋ jine.

Alhukumoo 3:10

Ir na ganganoo koyrawey kul taa, nda Galad kul, nda Bašaŋ kul, ka koy hala Salka nda Edreyi, Bašaŋ koyrawey kaŋ goo Og laamaa ra.

Žozuwe 15:55

Koyrawey kaŋ tonton i ga ti Mawoŋ, nda Karmel, nda Zif, nda Yuta,

Samiyel 1na 15:12

Samiyel biya ka tun ka koy Sawul kubay. Fondaa ra, a maa kaŋ Sawul koy Karmel, nga ne, a na honganditondi foo kayandi nga boŋ maaɲoo ga, woo banda ga, a kuubi ka doo Gilgal.