Taarikey 2to 17:1 - Songhai de Gao Bible

¹ Žozafat tee kokoy nga baabaa Asa dogoo ra. A na albarka daŋ nga boŋ ra ka Izirayel borey wongu.

Taarikey 2to 17:1 ပူးပေါင်းရင်းမြစ်များ

Kokoyey 1na 15:24

Asa koy nga hayragey gar alaahara. I nʼa sutura nga baabey jere, nga baabaa Dawda koyraa ra. Nga izʼaroo Žozafat tee kokoy dogoo ra.

Kokoyey 1na 22:41

Asa izʼaroo Žozafat tee Žuda gandaa se kokoy Izirayel kokoyoo Akab laamaa jiiri taacantoo ra.

Kokoyey 2to 1:17

Akaziya buu ka sawa nda Abadantaa šennoo kaŋ Ilyasu sanbandi a mʼa har. Woo gar a sii nda izʼaru, nga armaa Žoram tee kokoy dogoo ra. Woo teendi Žuda kokoyoo Žoram kaŋ ti Žozafat izʼaroo laamaa jiiri hinkantoo ra.

Taarikey 1na 11:10

Dawda wongaarey maaɲey ne ti wey. Ngi nda Izirayel kul kʼa faaba hala a ma goro fuulaa ra, ka gaabi daŋ nga laamaa ra, sanda takaa kaŋ nda Abadantaa nʼa har Izirayel borey ga.

Taarikey 2to 12:1

Waatoo kaŋ Roboham laamaa tabati, de mo nga hunday duu hinay, a na Abadantaa ašariyaa naŋ, Izirayel kul nʼa naŋ a bande.

Taarikey 2to 17:2

A na wongu-ize jama daŋ Žuda koyrawey kul kaŋ kuubandi nda cete ra, ka wongu-ize jineboroyaŋ gorandi Žuda gandaa ra, nda Efrayim koyrawey ra kaŋ nga baabaa Asa nʼi dii.

Taarikey 2to 26:8

Amoŋ borey ga alkaasi bana Oziyas se, nga maaɲoo koy hala Misira hirrey ga, zama a duu gaabi, a hanse ka jerandi.

Taarikey 2to 32:5

Ezekiyas duu gaabi, a na cetaa kul cin taaga kaŋ ra funyaŋ goo, a tonton soorohugu kukey ga kʼi jer, a na cete tana cin koyraa cetaa dumaa ga, a na Milo dogoo mo hanse Dawda koyraa ra. A na wongu jinay nda koray boobo hanse.

Matiyu 1:8

Azaf na Žozafat hay. Žozafat na Žoram hay. Žoram na Oziyas hay.

Efez borey batagaa 6:10

Woo kul banda ga, wa duu gaabi ir Koyoo ra nda nga hini gaabantaa.

Samiyel 1na 23:16

Woo banda ga, Žonataŋ, Sawul izʼaroo koy Dawda do Horša ka Dawda binoo daŋ a ma koy a ga ka nga naanaa daŋ Irkoy ra.