Taarikey 2to 10:13 - Songhai de Gao Bible

¹³ Hoyraa kaŋ boro beerey nʼa noo kokoyoo se, kokoyoo Roboham wanji a ga. A na borey zaabi nda šenni šendayaŋ.

Taarikey 2to 10:13 ပူးပေါင်းရင်းမြစ်များ

Šintinoo 42:30

I nee a se: «Boraa kaŋ ti gandaa din boŋkoynoo šendandi ir ga. A nʼir dii nda boroyaŋ kaŋ kaa ka gandaa monno.

Šintinoo 42:7

Kaŋ Isufi dii nga armey, kul a nʼi bay, amma a na nga boŋ tee i se ceewaani. A šendandi i ga, a nee i se: «Man ra war hun?» I nʼa zaabi ka nee: «Kanaŋ gandaa ra ir hun, ka kaa ka taasu day.»

Taarikey 2to 10:12

Jirbi hinzantoo hane Žeroboham nda Izirayel jamaa kul koy Roboham do, sanda takaa kaŋ nda kokoyoo nʼa har, a nka nee kaŋ jirbi hinza banda ga, i ma willi kate nga do.

Taarikey 2to 10:14

Hoyraa kaŋ aru soogey nʼa noo a se, nga no a nʼa har jamaa se ka nee: «Ay ga jeraw beeri daŋ war ga, agay, ay ga tonton war se a ga, ay baabaa na war gooji nda barzuyaŋ, agay, ay ga war gooji nda dontonyaŋ.»

Taarikey 2to 10:8

Amma Roboham wanji boro beerey hoyraa ga kaŋ i nʼa noo a se. Aru soogey kaŋ ti nga alwaddaa kaŋ goo a jere, a nʼi hãa.

Fattaroo 10:28

Firawuuna nee a se: «Hun ay jine, hawgay, ay masi yee ka dii ni ay jine, han kul kaŋ ay dii ni ay jine, nʼga buu!»

Yaasawey 15:1

Šenni henna ga bine yaynandi, šenni laala ga boro futandi.

Yaasawey 18:23

Talkaa mma suurandi ka šelaŋ, almankoynoo ga zaabi nda šenni kasa.

Yaasawey 19:27

Ay izʼaroo, hoyray kaŋ ga ni moorandi bayray fondaa, fay nda ka haŋajer a se.