Taarikey 2to 1:8 - Songhai de Gao Bible

⁸ Sulaymaana na Irkoy zaabi ka nee: «Ni ka borohennataray beeri tee ay baabaa Dawda se, nʼnʼay gorandi kokoytaraa ra dogoo ra.

Taarikey 2to 1:8 ပူးပေါင်းရင်းမြစ်များ

Samiyel 2to 22:51

Abadantaa ga haya beeriyaŋ tee nga kokoyoo hallasiroo se. A ga goy nda borohennataray nga suubantaa kaŋ yonandi se, maanaa Dawda nda nga hayroo se hala abada.»

Kokoyey 1na 3:6

Sulaymaana nee: «Ni ka borohennataray beeri tee ni tamoo Dawda se kaŋ ti ay baabaa, zama a dira ni jine nda laadirtaray, nda šerretaray, nda bine henna. Nʼna borohennataraa woo tee a se kʼa noo izʼaru kaŋ ga goro nga kokoy gorodogoo ra sanda woo kaŋ ne ka tee hõ.

Taarikey 1na 17:16

Woo ga, kokoyoo Dawda koy goro Abadantaa jine ka nee a se: «May ti agay, Irkoy Abadantaa, ay hugoo ti macin kaŋ se nʼgʼay beerandi ka too hala hinnaa woo?

Taarikey 1na 28:5

Abadantaa nʼay noo mo ize boobo, amma ay izʼarey kul ra, a nʼay izoo Sulaymaana suuba kʼa gorandi Abadantaa kokoytaraa ra Izirayel boŋ.

Taarikey 1na 29:23

Sulaymaana goro Abadantaa kokoy gorodogoo boŋ, ka tee kokoy nga baabaa Dawda dogoo ra. Kokoytaraa boori a ga. Izirayel kul ga haŋajer a se.

Taarikey 1na 29:28

A buu žeenay henna ra, a duu aloomur boobo, nda alman nda beeray. Nga izʼaroo Sulaymaana tee kokoy dogoo ra.

Zaburey 86:13

Zama ni borohennataraa ga beeri ay here, nʼgʼay hundoo kaa alaahara guusoo ra.

Zaburey 89:49

May ti boraa kaŋ ga huna a si dii buuyan? May no ma hin ka nga hundoo kaa buuyan karfey ra? Kay-kayna