Taarikey 2to 1:10 - Songhai de Gao Bible

¹⁰ Adisi ay noo lakkal nda bayray hala ya takaa bay kaŋ nda ay ga dira jamaa woo jine. Nda manʼti woo, may no ma hin ka ni jamaa beeroo juwal?»

Taarikey 2to 1:10 ပူးပေါင်းရင်းမြစ်များ

Samiyel 2to 5:2

Waatoo hunday kaŋ Sawul ga tee kokoy ir boŋ, ni no ma koy nda Izirayel wongudogey ra, ni no mʼi ka kaa. Abadantaa nee ma ne: ‹Ni no mʼay jamaa Izirayel kur, ni no ma tee Izirayel se boŋkoyni.›»

Kokoyey 1na 3:9

Woo ga, lakkal noo ni tamoo se, hala a ma ni jamaa juwal ka boori, ka ihenna nda ilaala kaa cere ra. Nda manʼti woo, may no ma hin ka ni jamaa beeroo juwal?»

Taarikey 1na 22:12

Yala Abadantaa ma ni noo fahamay nda lakkal, hala waati kaŋ a na ni gorandi Izirayel boŋ, ma Abadantaa, ni Koyoo ašariyaa gana.

Zaburey 119:34

Ay noo lakkal, ay ga ni ašariyaa gana, de ay gʼa dii nda ay binoo kul.

Zaburey 119:73

Ni kabey kʼay tee, ngi kʼay hanse, ay noo lakkal hala ya ni yaamarey caw.

Yaasawey 4:7

Lakkal duuyan šintinoo ti: ma gaabandi ka lakkal ceeci, haya kul kaŋ goo ni kone mʼa ka fahamay ceeci.

Yaasawey 8:15

Agay albarkaa ra kokoyey ga laama, boŋkoyney ga ašariya šerranteyaŋ kaataray.

Kabuyaney 27:17

kaŋ ga huru i jine ngi koyyanoo nda ngi kaayanoo ga, kaŋ gʼi ka koy, a gʼi ka yee kate, hala jamaa masi tee sanda alman kur kaŋ sii nda kurkaw.»

Korent borey bataga 2to 2:16

Affooyaŋ se buuyan hew no kaŋ ga kate buuyan, affooyaŋ se hunayan hew no kaŋ ga kate hunayan. May no ma bara nda haya kaŋ ga a wasa ka goyoo woo tee?

Korent borey bataga 2to 3:5

Manʼti ir mma hongu kaŋ ir goo nda hini kaŋ ir duu a ir boŋ ra, ir hinoo si hun kala Irkoy do.

Alhukumoo 31:2

a nee i se: «Hõ ay goo nda jiiri zangu nda waranka (120). Ay si hin ka huru war jine koyne, Abadantaa nee ya ne: ‹Nʼsi bisa Žurdeŋ isaa woo ga.›

Žak batagaa 1:5

Nda boro goo war ra kaŋ sii nda lakkal, a mʼa wiri Irkoy ga kaŋ ga borey kul noo nda kabedoonay bila citi, a gʼa noo a se.