Taarikey 1na 7:14 - Songhai de Gao Bible

¹⁴ Manase izʼaru ti Asriyel. Wahayoo kaŋ a nʼa zaa, kaŋ ti Siiri boro, nga kʼa hay. Woy follokaa ka Makir mo hay. Makir ti Galad baabaa.

Taarikey 1na 7:14 ပူးပေါင်းရင်းမြစ်များ

Šintinoo 25:20

Jiiri woytaaci (40) bara Isiyaka se waatoo kaŋ ra a ga hiiji Rebeka kaŋ ti Betuwel izoo, Aram boraa kaŋ goo Padaŋ-Aram. Nga ti Labaŋ, Aram boraa woymaa.

Šintinoo 50:23

A dii Efrayim izʼarey nda izʼarey izey. A dii mo Makir kaŋ ti Manase izʼaroo, izey, i hayandi cewey boŋ.

Taarikey 1na 7:13

Neftali izʼarey ti: Yasiyel, nda Guni, nda Yeser, nda Šalum. Bilha ti ngi ɲaa.

Taarikey 1na 7:15

Makir na woy zaa Hupim se, ka zaa Šupim se. Makir woymaa maaɲoo ti Maaka. Izʼaru hinkantoo kaŋ Makir duu a maaɲoo ti Selofad. Selofad mana duu kala ize woyyaŋ hinne.

Kabuyaney 26:28

Isufi hayroo, alaayan beeri ka koy alaayan beeri ti: Manase nda Efrayim.

Kabuyaney 27:1

Isufi izʼaroo kaŋ ti Manase, nga alaayan beerey boro goo no kaŋ maaɲoo ti Selofad. Selofad ti Hefer izʼaroo, Hefer ti Galad izʼaroo, Galad ti Makir izʼaroo, Makir ti Manase izʼaroo. Selofad ize woyey maaɲey ti: Mahila, nda Nowa, nda Hogla, nda Milka, nda Tirsa.

Žozuwe 13:31

nda Galad jere faa, nda Aštarot, nda Edreyi kaŋyaŋ goo kokoyoo Og laamaa ra Bašaŋ, i tee Makir, Manase izʼaroo izʼarey wane, Makir izʼarey jere faa, alaayan beeri ka koy alaayan beeri duu nga bagaa.

Alkaaley 5:14

Efrayim mana hun kala nongoo kaŋ ra Amalek borey cindi. Ngi dumaa ga, Benžameŋ hun. Bonkoyniyaŋ zunbu ka hun Makir, borey kaŋ ga kokoytaraa goboo dii zunbu ka hun Zabuloŋ.