Taarikey 1na 5:25 - Songhai de Gao Bible

²⁵ Amma i na ngi hayragey Koyoo hoo, zama gandaa kaŋ Irkoy na nga borey halaci kʼi kaa i jine, wey din koyey no i koy hanga ey kʼi gana ka izefututaray tee i bande.

Taarikey 1na 5:25 ပူးပေါင်းရင်းမြစ်များ

Kokoyey 2to 15:19

Asiri kokoyoo Pul kaa ka gandaa tangam. Menahem nʼa noo nzorfu kaaray ton waranza (30) hala a ma nga faaba nga ma nga kokoytaraa noo gaabi.

Taarikey 1na 5:24

Ngi hugu boŋey ti: Efer, nda Yiši, nda Eliyel, nda Azriyel, nda Žeremi, nda Hodawiya, nda Yadiyel. I kul manʼti kala wongaariyaŋ kaŋyaŋ duu maa. Hugu boŋyaŋ no.

Taarikey 1na 9:1

Izirayel gandaa borey kul kabandi ka hantumandi Izirayel kokoyey taarikey citaaboo ra, hugu ka koy hugu. Žuda borey laadir jaŋaa sabbu se i diyandi ka koy nda ey Babiloŋ.

Fattaroo 34:15

Amaana kul masi huru ni nda gandaa din borey game hala waati kaŋ i ga izefututaray tee ngi koyey bande, de i ga sargari kaa i se, nda i na ni cee, masi ŋaa.

Bangandiroo 17:5

Teɲaa ga, maa foo hantumandi, sirri no kaŋ ti: «Babiloŋ beeroo, woykuurey nda laboo haya harramantey ɲaa».

Alkaaley 2:12

I na banda bere Abadantaa, ngi baabey Koyoo se kaŋ nʼi fattandi Misira gandaa ra, i hanga koy tanayaŋ bande. Koyey ti dumey kaŋ gʼi kuubi kʼi bere waney. I sujudu i jine, i na Abadantaa futandi.

Alkaaley 2:17

Amma ba ngi alkaaley, i si haŋajer i se. I na izefututaray tee koy tanayaŋ bande, i sujudu i jine. I cahã ka fondaa naŋ kaŋ i nʼa gar ngi baabey ga hanga a. I mana haŋajer Abadantaa yaamarey se, i mana woo din tee.

Alkaaley 8:33

Žedewoŋ buuroo banda ga, Izirayel borey yee ka šintin ka izefututaray tee Bal toorey bande. I na Bal-Berit tee ngi koyoo.