Taarikey 1na 3:15 - Songhai de Gao Bible

¹⁵ Žoziyas izʼarey ne: nga izʼaru jinaa ti Yohanaŋ, ihinkantoo ti Yoyakim, ihinzantoo ti Sedesiyas, itaacantoo ti Šalum.

Taarikey 1na 3:15 ပူးပေါင်းရင်းမြစ်များ

Kokoyey 2to 23:31

Jiiri waranka cindi hinza (23) bara Žowakaz se waatoo kaŋ a ga huru kokoytaraa ra. A na handu hinza tee kokoytaraa ra, a si goro kala Žerizalem. Ɲaŋoo maaɲoo ti Hamutal, Žeremi, Libna boraa ize woy no.

Kokoyey 2to 23:34

Firawuuna kaŋ ti Neko na Žoziyas izʼaroo Eliyakim tee kokoy nga baabaa Žoziyas dogoo ra. A na maaɲoo barmay kʼa tee Yoyakim. A na Žowakaz zaa nga bande ka koy Misira, a buu no din.

Kokoyey 2to 24:17

Babiloŋ kokoyoo na Yoyakin hasaa kaŋ maaɲoo ti Mataniya tee kokoy dogoo ra, a na maaɲoo bere kʼa tee Sedesiyas.

Taarikey 1na 3:14

Manase izʼaroo ti Amoŋ, Amoŋ izʼaroo ti Žoziyas.

Taarikey 1na 3:16

Yoyakim izʼaroo ti Yekoniya, Yekoniya izʼaroo ti Sedesiyas.

Taarikey 2to 36:1

Gandaa jamaa na Žoziyas izʼaroo Žowakaz zaa, i nʼa tee kokoy baaboo dogoo ra Žerizalem.

Taarikey 2to 36:10

Jiiri taagaa ra, kokoyoo Nebukanezar na boroyaŋ sanba i ma kate a Babiloŋ nga nda Abadantaa hugoo jinay alkadaranteyaŋ. A na Yoyakim armaa, Sedesiyas tee Žuda nda Žerizalem se kokoy.