Taarikey 1na 26:18 - Songhai de Gao Bible

¹⁸ Waynakaŋay here, aru taaci ga huru miɲoo lakkal kaŋ goo fondaa jere, aru hinka ga hugoo kaŋ ga lafa a ga lakkal.

Taarikey 1na 26:18 ပူးပေါင်းရင်းမြစ်များ

Kokoyey 2to 23:11

Baryey kaŋ Žuda kokoyey nʼi kayandi waynaa ganayanoo se, baryey din sii kala Abadantaa hugoo miɲoo here. Hugey kaŋ goo jere ga, goykaw beeroo Netaŋ-Melek galliyaa jere, a nʼi kayri. A na nuune daŋ bari torkawey ra kaŋ kayandi waynaa ganayanoo se.

Taarikey 1na 26:16

Šupim nda Hosa duu waynakaŋay here miɲoo nda miɲoo kaŋ se i ga nee Šaleket, kaŋ ga hondoo fondaa tenje. Kondawey wey kaŋ ga lakkal daŋ, ngi zamna takaa ne:

Taarikey 1na 26:17

Lewi borey aru iddu no ma waynahunay here miɲoo lakkal zaari kul. Aru taaci ga hawsa here miɲoo lakkal zaari kul. Aru taaci ga gurma here miɲoo lakkal zaari kul. Aru taaci kaŋ i nʼi tee ihinka-hinka ga mangasawey lakkal.

Taarikey 1na 26:19

Wey ti huru miɲey lakkalkey kondawey. Kora nda Merari hayrey no.