Taarikey 1na 22:19 - Songhai de Gao Bible

¹⁹ Sohõ, wa gaabandi ka Abadantaa ceeci nda war biney kul nda war hundey kul. Wa tun ka Abadantaa, war Koyoo nongu henanantaa cin hala war ma duu ka Abadantaa amaanaa sundukoo nda Irkoy nongu henanantaa jinawey daŋ hugoo ra kaŋ ga kaa ka cinandi Abadantaa maaɲoo ga.»

Taarikey 1na 22:19 ပူးပေါင်းရင်းမြစ်များ

Kokoyey 1na 5:3

nda haw naasa kobsi woy (10), nda haw kurante kobsi waranka (20), nda alman buuna boŋ zangu (100) kaŋ sii hamey cindey ra: hirayaŋ, nda jeeriyaŋ, nda cofoowayaŋ nda ciraw naasayaŋ.

Kokoyey 1na 8:21

Waatoo kaŋ Abadantaa gʼir baabey fattandi Misira, amaanaa kaŋ a nʼa daŋ nga nda ir baabey game, sundukoo kaŋ ra amaanaa šenney goo, ay na sundukoo din jisidogoo tee hugoo ra.»

Kokoyey 1na 8:6

Sargari juwalkey koy nda Abadantaa amaanaa sundukoo kʼa jisi nga dogoo ra, Irkoy hugoo kuneheroo ra, nongu henanantey ihenanantaa ra, almalaykey kaŋ se i ga nee šeribey fatawey cire,

Taarikey 1na 16:10

Wa fooma nda nga maa henanantaa, yala borey kaŋ ga Abadantaa ceeci biney ma ɲaali!

Taarikey 1na 16:11

Wa Abadantaa nda nga gaaboo ceeci, war ma nga ndumoo ceeci waati kul!

Taarikey 1na 22:16

Wuragoo, nda nzorfu kaaraa, nda alhanoo nda guuroo hinnaa si hin ka bayrandi. Tun, ma goyoo šintin, yala Abadantaa ma bara ni bande.»

Taarikey 1na 22:7

A nee Sulaymaana se: «Ay izoo, ay binoo ra agay hunday ka baa ya hugu cin Abadantaa, ay Koyoo maaɲoo ga.

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 2to 20:3

Žozafat hunbur, a kayandi nga ma Abadantaa ceeci. A daŋ kaŋ Žuda gandaa kul ma meehaw.

Taarikey 2to 5:7

Sargari juwalkey koy nda Abadantaa amaanaa sundukoo kʼa jisi nga dogoo ra, Irkoy hugoo kuneheroo ra, nongu henanantey ihenanantaa ra, almalaykey kaŋ se i ga nee šerib fatawey cire.

Taarikey 2to 6:11

Ay na sundukoo kaŋ ra Abadantaa amaanaa šenney goo jisi a ra, amaanaa kaŋ a nʼa daŋ nga nda Izirayel game.»

Zaburey 119:2

Borey duu gomni kaŋ ga nga seedetarawey dii, i gʼa ceeci nda ngi biney kul.

Zaburey 14:2

Abadantaa goo beenaa ra, a ga fuuni ganda ka adamizey guna, ka dii wala boro goo i ra kaŋ goo nda lakkal henna, kaŋ ga Irkoy ceeci.

Zaburey 27:4

Haya folloku no ay nʼa wiri Abadantaa ga, ay nʼa ceeci a ga: ay hunaroo kul ya cindi Abadantaa hugoo ra, ka dii Abadantaa booroo kʼa gaaya nga hugoo ra.

Fattaroo 25:8

I ma nongu henanante cin ya ne hala ya goro i game.

Teegoyey 11:23

Kaŋ a too, a dii Irkoy anneemaa, a ɲaali, a nʼi kul hoyray i ma denji ir Koyoo ga nda ngi binoo kul.

Teegoyey 22:16

Sohõ macin no nʼga batu? Tun ma batizandi, ni zunubey ma tuusandi ka hun ni ga kʼir Koyoo maaɲoo cee.›»

Alhukumoo 4:29

Woo ga, no din war ga Abadantaa, ni Koyoo ceeci, nʼga duu a nda nʼgʼa ceeci nda ni binoo kul nda ni hundoo kul.