Taarikey 1na 21:30 - Songhai de Gao Bible

³⁰ Amma Dawda si hin ka koy Irkoy ceeci nongoo din ra, zama takubaa kaŋ goo Abadantaa almalaykaa kaboo ra hanse kʼa hunburandi.

Taarikey 1na 21:30 ပူးပေါင်းရင်းမြစ်များ

Samiyel 2to 6:9

Hanoo din, Dawda hunbur Abadantaa, a nee: «Taka foo nda Abadantaa sundukoo ga hin ka huru ay do?»

Taarikey 1na 13:12

Hanoo din, Dawda hunbur Irkoy, a nee: «Taka foo nda ay ga hin ka kate ay do Irkoy sundukoo?»

Taarikey 1na 21:16

Dawda na nga boŋoo jer ka guna, a ga dii Abadantaa almalaykaa ga kay beenaa nda laboo game, nga takubaa goo kaboo ra a gʼa šerre Žerizalem ga. Woo ga, Dawda nda jamaa boro beerey na ngi ndumey ka sujudu. Saaku kasayaŋ goo i ga.

Taarikey 1na 21:29

Waatoo din ra, Abadantaa gorodogoo kaŋ Musa nʼa cin saajoo ra, nda sargari kukurantey tonadogoo sii kala Gabawoŋ hodaddaa ga.

Taarikey 1na 22:1

Woo ka kate Dawda nee: «Ne no ma tee Abadantaa, ir Koyoo hugoo, ne no ma tee Izirayel borey sargari kukurantey tonadogoo.»

Ayuba 13:21

ni kaboo moorandi ay ga, masʼay jijirandi nda ni hunburaa,

Ayuba 21:6

Nda ay hongu a, ay ga hunbur, ay gaahamoo ga jijiri.

Ayuba 23:15

Woo se ay lakkaloo ga tun a jine, nda ay miile, ay ga hunbur a.

Zaburey 119:120

Ay hamoo ga jijiri ni hunburaa maaganda, ay ga hunbur ni hantumey kaŋ kayandi.

Zaburey 90:11

May no ma ni futuroo gaaboo bay? May ma ni binetunyanoo bay sanda ni hunburaa?

Alhukumoo 10:12

«Sohõ Izirayel, macin no Abadantaa, ni Koyoo gʼa wiri ni ga? Nda manʼti ma hunbur Abadantaa, ni Koyoo, ka nga fondawey kul gana, ma bagʼa, ma goy Abadantaa, ni Koyoo se nda ni binoo kul nda ni hundoo kul,

Bangandiroo 1:17

Waatoo kaŋ ay dii a, ay kaŋ cewey cire sanda bukaw. A na nga kabe gumaa fur ay ga ka nee: «Masi hunbur, agay ti ijinaa nda ikokorantaa.

Bangandiroo 15:4

Ir Koyoo, may ka si hunbur ni, may ka si ni maaɲoo beerandi? Zama ni hinne no ma henan, gandawey kul ga kaa ka sujudu ni jine, zama ni teegoy šerrantey bangay.»